બાગી -3માં શ્રદ્ધા કપૂર જોવા મળશે એરહોસ્ટેસના પાત્રમાં
મુંબઇ: શ્રદ્ધા કપૂર અને ટાઇગર શ્રોફની જોડી 'બાગી ૩'માં જોવા મળવાની છે. શ્રદ્ધાએ નિતેશ તિવારીની ફિલ્મ 'છિછોરે' હાલમાં જ પુરી કરી છે તેમજ રેમો ડિસોઝાની 'સ્ટ્રીટડાન્સર' નું શૂટિંગ પુરુ કર્યું છે. હવે શ્રદ્ધા અહમદ ખાનની 'બાગી ૩'ના શૂટિંગથી શરૂઆત કરશે.સાજિદ નડિયાદવાળાની આ ફિલ્મમાં શ્રદ્ધા કપૂર એરહોસ્ટેસના પાત્રમાં જોવા મળે તેવી શક્યતા છે. ફિલ્મના ડેવલપમેન્ટ સાથેજોડાયેલા સૂત્રે કહ્યું હતું કે, '' આ માટે શ્રદ્ધાએ વર્કશોપ એટેન્ડ કરવી પડશે. હાલ ફિલ્મની ટીમ શ્રધ્ધાના લુક પર કામ કરી રહી છે. અહમદ અને ફરહાદ શામજી તેના લુકને રસપ્રદ બનાવવા ઇચ્છે છે. તેમની ઇચ્છા છે કે,આ ફિલ્મનો શ્રદ્ધાનો લુક તેણે કરેલી અન્ય ફિલ્મોને મળતો આવવો જોઇએ નહીં.''શ્રદ્ધા સપ્ટેમ્બર મહિનામાં આ ફિલ્મનું શૂટિંગ શરૂ કરે તેવી શક્યતા છે. આ ફિલ્મમાં તેની સાથે ટાઇગર કામ કરીરહ્યો છે. શૂટિંગની શરૂઆત તેઓ મુંબઇથી કરશે, આ બાદ તેઓ આગ્રા જશે અને પછી વિદેશમાં શૂટિંગ કરશે. શ્રદ્ધા આ ફિલ્મની પ્રથમ કડીનો પણ હિસ્સો હતી. આ ફિલ્મમાં તેણે ઘણા એકશન દ્રશ્યો ભજવ્યા હતા.