News of Tuesday, 5th January 2021
સોનુ સૂદની નવી ફિલ્મ 'કિસાન' એલાન: ભજવશે મુખ્ય ભૂમિકા
મુંબઈ: અભિનેતા સોનુ સૂદ પોતાના ઉમદા કાર્યોને કારણે ચર્ચામાં રહે છે. સોનુ કોરોના સંકટ દરમિયાન દેશમાં લોકડાઉન થઈ ત્યારથી કોઈની મદદ કરવામાં પાછળ નથી પડ્યા. આ બધાની વચ્ચે સોમવારે સોનુ સૂદની નવી ફિલ્મની ઘોષણા કરવામાં આવી છે. સોનુની આ નવી ફિલ્મનું નામ 'કિસાન' હશે. આ ફિલ્મમાં સોનુ મુખ્ય ભૂમિકામાં હશે. ફિલ્મ વિવેચક તરણ આદર્શે સોશ્યલ મીડિયા પર આ અંગે ટ્વીટ કર્યું છે. તરણે લખ્યું - 'સોનુ સૂદ કિસાન ફિલ્મની સ્ટાર કાસ્ટનું નેતૃત્વ કરશે. આ ફિલ્મનું નિર્દેશન ઇ નિવાસ અને રાજ શાંડિલ્યાએ કર્યું છે, જેમણે દિગ્દર્શનની શરૂઆત ફિલ્મ ડ્રીમ ગર્લથી કરી હતી. તે આ ફિલ્મનું નિર્માણ પણ કરશે. ટૂંક સમયમાં જ ફિલ્મની બાકીની સ્ટારકાસ્ટની જાહેરાત કરવામાં આવશે.
(4:48 pm IST)