વિક્રાંતની જોડી હવે તાપસી સાથે

ટીવી પરદેથી ફિલ્મી પરદે પહોંચેલા અભિનેતા વિક્રાંત મેસ્સીને વધુ એક મોટી ફિલ્મ મળી છે. અગાઉ તેણે લૂંટેરા, હાફ ગર્લફ્રેન્ડ, એ ડેથ ઇન ધ ગૂંજ સહિતની ફિલ્મોમાં પોતાના અભિનય થકી સોૈની વાહ-વાહ મેળવી લીધી છે. હવે વિક્રાંત મેઘના ગુલઝારની ફિલ્મ છપ્પાકમાં દિપીકા પાદૂકોણ સાથે દેખાવાનો છે. આ ફિલ્મનું કામ પુરૂ થઇ ગયું છે. ત્યાં વિક્રાંતને ભુષણ કુમાર અને આનંદ એલ. રાયની ફિલ્મ માટે સાઇન કરી લેવામાં આવ્યો છે. આ ફિલ્મમાં તેની જોડી તાપસી પન્નુ સાથે છે. નિર્દેશક તરીકે આ ફિલ્મ વિનીલ મેથ્યુના હાથમાં રહેશે. તેણે અગાઉ હસી તો ફસી નામની ફિલ્મ બનાવી હતી. નિર્માતા મિસ્ટ્રી ડ્રામા માટે એક તાજી જોડીને લેવા ઇચ્છતા હતાં. આ માટે વિક્રાંત અને તાપસીને પસંદ કરવામાં આવ્યા છે. આ બંને પહેલી વખત સાથે કામ કરશે. ફિલ્મની કહાની ઉત્તર ભારતની પૃષ્ઠભુમિ પર આધારીત છે, આથી મોટા ભાગનું શુટીંગ ત્યાં જ થશે. તાપસીની બે ફિલ્મો થપ્પડ અને રશ્મિ રોકેટનું કામ ચાલી રહ્યું છે. આ ઉપરાંત તે હોરર ફિલ્મના શુટીંગ માટે વિદેશ જશે. છપ્પાસ દસમી જાન્યુઆરીએ રિલીઝ થશે.