શાહરૂખ ખાનની ઇચ્છા હવે પુરી થશે

બોલીવૂડ સ્ટાર શાહરૂખ ખાનના ચાહકો માટે ખુશખબર છે. ટૂંક સમયમાં તે એક ફિલ્મમાં જોવા મળશે. જો કે આ વખતે હીરો તરીકે નહિ પણ વિલન તરીકે સામે આવશે. અગાઉ પણ શાહરૂખે બાજીગર, ડર, અંજામ સહિતની ફિલ્મોમાં નેગેટીવ રોલ નિભાવીને પણ દર્શકોની વાહ-વાહ મેળવી હતી. આ વખતે તે હોલીવૂડની હિન્દી રિમેક કરી રહ્યો છે. કિલ-બિલની હિન્દી રિમેકનું નિર્દેશન અનુરાગ કશ્યપ કરશે. શાહરૂખ ખાનની ઇચ્છા લાંબા સમયથી અનુરાગ સાથે કામ કરવાની હતી. આ ઇચ્છા હવે પુરી થશે. નિખિલ દ્વિવેદીએ કિલ-બિલની હિન્દી રિમેક બનાવવાના રાઇટ્સ ખરીદી લીધા છે. શાહરૂખના આ ફિલ્મમાં વિલનનો રોલ આપવા માટે વાતચીત થઇ રહી છે. શાહરૂખ છેલ્લે આનંદ એલ. રાયની ઝીરો ફિલ્મમાં જોવા મળ્યો હતો. એ ફિલ્મ ફલોપ નિવડી હતી. ત્યારથી શાહરૂખ કોઇ ફિલ્મ કરી રહ્યો નથી. હવે તે આ ફિલ્મમાં જોવા મળશે. હોલીવૂડની કિલ-બિલમાં બદલા પર આધારીત કહાની છે.