અભિનેતા બ્રહ્મા મિશ્રાનું નિધન: મિર્ઝાપુરમાં 'લલિત' બનીને ચાહકોના દિલ જીત્યા: સ્ટાર્સ આપી રહ્યા છે શ્રદ્ધાંજલિ

મુંબઈ: વેબ સિરીઝ 'મિર્ઝાપુર'માં લલિતની ભૂમિકા ભજવીને સૌના દિલ જીતી લેનાર અભિનેતા બ્રહ્મા મિશ્રાના નિધનના દુઃખદ સમાચાર સિનેમા જગતમાંથી આવ્યા છે. 'મિર્ઝાપુર'માં મુન્ના ત્રિપાઠીની ભૂમિકા ભજવનાર અભિનેતા દિવ્યેન્દુએ બ્રહ્માના મૃત્યુના દુઃખદ સમાચાર સોશિયલ મીડિયા પર શેર કર્યા. એક તસવીર શેર કરીને દિવ્યેન્દુએ 32 વર્ષના બ્રહ્માના આ દુનિયાને અલવિદા કરવાના સમાચાર શેર કર્યા. દિવ્યેન્દુની ઇન્સ્ટાગ્રામ પોસ્ટ પર માત્ર સેલેબ્સ જ નહીં પરંતુ ચાહકો પણ બ્રહ્માને શ્રદ્ધાંજલિ આપી રહ્યા છે. બ્રહ્માના મૃત્યુનું કારણ હજુ સુધી સામે આવ્યું નથી, પરંતુ કહેવામાં આવી રહ્યું છે કે તેમને હાર્ટ એટેક આવ્યો હતો.