નવા ટીવી શોમાં સ્નેહાને ખાસ ભુમિકા
ટીવી પરદે સ્નેહા વાઘ અનેક રોલ નિભાવી ચુકી છે. હવે તે સ્ટાર ભારતના શો 'તેરી લાડલી મૈં'માં ખાસ ભુમિકા નિભાવતી જોવા મળવાની છે. આ સિરીયલમાં એક મુક બધીર છોકરી બિટ્ટીની કહાની છે. જે તેના પિતાની સ્વીકાર્યતા માટે તરસતી હોય છે અને પોતાના અસ્તિત્વને પડકારતી બાધાઓને દૂર કરવા પ્રયાસ કરે છે. આ શો દર્શકોને એક નાનકડી બાળકીની જીવન યાત્રા પર લઇ જશે. જે બલિદાન, જવાબદારીનું એક પ્રતિક પણ છે. આ બાળકી ખુબ મહેનત કરવા માટે પણ પ્રેરીત કરે છે. પિતા તરફથી પોતાને પણ એવો જ પ્રેમ મળે જે તેના ભાઇને મળે છે. એ માટે તેના પ્રયાસ છે. ટબુકડી કલાકાર મૈથિલી પટવર્ધન બાળકી બિટ્ટીનો રોલ નિભાવી રહી છે. હેમાંગી કવિ મુખ્ય ભુમિકામાં છે અને સ્નેહા વાઘ ખાસ કેમિયો કરવાની છે. આ માટે તેણે પુરતી તૈયારી કરી લીધી છે.