Gujarati News

મુંબઈ:કંગના રનૌતની ઐતિહાસિક ફિલ્મ ‘મણિકર્ણિકા’ના ડિજિટલ રાઇટ્સ રૂ. ૩૦ કરોડમાં વેચાયા હોવાનું બહાર આવ્યું છે. મહિલા કેન્દ્રિત ફિલ્મોમાં રૂ. ૩૮ કરોડ સાથે ‘રાઝી’ પહેલાં નંબર પર હતી. આમ ‘મણિકર્ણિકા’ ફિલ્મે આ યાદીમાં બીજો નંબર મેળવ્યો છે. આ રાઇટ્સ એમેઝોન પ્રાઇમે ૩૦ કરોડમાં ખરીદ્યા છે. ‘પદમાવત’ના રાઇટ્સ ૪૫ કરોડમાં વેચાયા હતા પણ દીપિકા પદુકોણ અભીનિત એ ફિલ્મ રણવીરસિંહના અભિનયને કારણે વખાણાઈ હોવાથી તેની ગણના મહિલા કેન્દ્રિત ફિલ્મ તરીકે થતી નથી. અત્યાર સુધી ડિજિટલ રાઇટ્સના મામલે સૌથી મોંઘી ફિલ્મ તરીકે રજનીકાંત-અક્ષયકુમારની ૨.૦નો ઉલ્લેખ કરવામાં આવે છે.