Gujarati News

થોડા દિવસ પહેલા ખબર આવી હતી કે જૈકલીન ફર્નાન્ડીઝ આગામી એકશન થ્રીલર ફિલ્મ 'ડ્રાઇવ'માં બિકીની લૂકમાં જોવા મળશે. હવે આ ફિલ્મના નિર્માતાઓએ ફિલ્મની રિલીઝ માટે અલગ જ પ્લાન કર્યો છે. ડ્રાઇવનું શુટીંગ હાલમાં ઇઝરાયલમાં થઇ રહ્યું છે. બોલીવૂડની કોઇ ફિલ્મનું શુટીંગ ઇઝરાયલમાં થઇ રહ્યું હોય તેવું આ પહેલાવાર બન્યું છે. અહિ આ ફિલ્મને રિલીઝ કરવાનો પણ નિર્માતા પ્લાન કરી રહ્યા છે. ઇઝરાયલ ખુબ નાનો દેશ છે અને ત્યાં ફિલ્મો થિયેટરને બદલે સીધી ટીવી પર રિલીઝ થાય છે. આ કારણોસર ફિલ્મો રિલીઝ કરવાનું કામ મુશ્કેલ છે. આમ છતાં ડ્રાઇવની ટીમ ત્યાં ફિલ્મ રિલીઝ થાય તેવા પ્રયાસમાં છે. ફિલ્મમાં સુશાંતસિંહ રાજપૂત સાથે જૈકલીનની જોડી છે. આ ઉપરાંત વિક્રમજીત વિર્ક, સપના પબ્બી પણ મહત્વના રોલમાં છે. નિર્દેશક તરૂણ મનસુખાની છે. નિર્માતા કરણ જોહર ડ્રાઇવ પછી આ ફ્રેન્ચાઇઝીની બીજી બે ફિલ્મો પણ બનાવશે.