Gujarati News

Gujarati News

News of Monday, 30th November 2020

મલાઈકાને આવી ધર્મશાલાની યાદઃ અર્જુન સાથેની તસવીર શેર કરીને કહી દિલની વાત

મલાઈકા અરોરા થોડા દિવસ પહેલા જ બોયફ્રેન્ડ અર્જુન કપૂર સાથે ધર્મશાલામાં હતી. અહીં કપલે સાથે દિવાળી સેલિબ્રેટ કરી હતી

મુંબઇ,તા. ૩૦: તમે હાલમાં જ મલાઈકા અરોરાની થેન્કસગિવિંગ પોસ્ટ જોઈ હશે. જે મિત્રો, પરિવાર, કૃતજ્ઞતા અને પ્રેમ વિશેની હતી. મલાઈકાએ શુક્રવારે ઈન્સ્ટાગ્રામ પર થેન્કસગિવિંગનો વિડીયો પોસ્ટ કર્યો હતો જેમાં તેણે પોતાના જીવનમાં રહેલા લોકો માટે ઈશ્વરનો આભાર માન્યો હતો. આ વિડીયોમાં બેશક મલાઈકાનો બોયફ્રેન્ડ અર્જુન કપૂર પણ હતો. અર્જુન આ વિડીયોમાં ત્રણવાર દેખાયો હતો.

હવે મલાઈકાએ બોયફ્રેન્ડ અર્જુન કપૂર સાથેની વધુ એક તસવીર શેર કરી છે. ઈન્સ્ટાગ્રામ હેન્ડલ પર શેર કરવામાં આવેલી આ તસવીર ધર્મશાલાની છે. ધર્મશાલાની મનમોહી લેતી સુંદરતા વચ્ચે કિલક કરાયેલી આ તસવીરમાં અર્જુન-મલાઈકાનું એકબીજા પ્રત્યેનું આકર્ષણ પણ દેખાઈ રહ્યું છે. તસવીર શેર કરતાં મલાઈકાએ લખ્યું, 'તું આસપાસ હોય છે ત્યારે એક ક્ષણ પણ નીરસ નથી હોતી'

તસવીરમાં જોઈ શકો છો કે મલાઈકાએ ગ્રીન આઉટફિટ અને બ્રાઉન લોફર્સ પહેર્યા છે. જયારે અર્જુન કપૂર ગ્રે સ્વેટશર્ટ અને બ્લેક પેન્ટમાં હેન્ડસમ દેખાઈ રહ્યો છે. તસવીર માટે પોઝ આપતી વખતે કપલ કોઈ વાતે હસતાં-હસતાં એકબીજાને ભેટી રહ્યું છે.

અર્જુન કપૂર હિમાચલ પ્રદેશના ધર્મશાલામાં આગામી ફિલ્મ'ભૂત પોલીસ'નું શૂટિંગ કરી રહ્યો છે. ત્યારે દિવાળીનો તહેવાર અર્જુન સાથે ઉજવવા માટે મલાઈકા ધર્મશાલા ગઈ હતી. આ હિલ સ્ટેશન પર મલાઈકા સાથે તેની BFF કરીના કપૂર ખાન પણ હતી. સૈફ અલી ખાન પણ અર્જુન સાથે આ ફિલ્મમાં છે ત્યારે પતિ સાથે દિવાળી ઉજવવા કરીના દીકરા સાથે ત્યાં પહોંચી હતી. ધર્મશાલામાં અર્જુન કપૂર મલાઈકા અને કરીના માટે ફોટોગ્રાફર બની ગયો હતો. તેણે બંને બહેનપણીઓની ઘણી તસવીરો કિલક કરી હતી.

ઉલ્લેખનીય છે કે, અર્જુન કપૂર અને મલાઈકાએ ગયા વર્ષે એકટરના બર્થ ડે પર પહેલીવાર રિલેશનશીપ જાહેર કરી હતી. મલાઈકાએ તસવીર પોસ્ટ કરીને અર્જુન માટે લખ્યું હતું, 'મારલ ક્રેઝી, ખૂબ જ રમૂજી અને અમેઝિંગ અર્જુન કપૂર.' કોરોના મહામારી પહેલા અર્જુન કપૂર અને મલાઈકા અરોરા ઘણીવાર સાથે ડેટ પર જતાં જોવા મળ્યા હતા. આ ઉપરાંત પાર્ટીઓમાં પણ કપલ હંમેશા સાથે જોવા મળતું હતું. થોડા સમય પહેલા જ કોરોનાથી રિકવર થયા બાદ મુંબઈમાં અર્જુન અને મલાઈકા સાથે જોવા મળ્યા હતા. એ વખતે તેમની તસવીરો ખૂબ વાયરલ થઈ હતી.

(9:33 am IST)
  • આજે ગુરૂનાનક જયંતિઃ કોરોના સંક્રમણ ધ્યાને લઇ જાહેર ઉજવણી બંધ : ઘેર ઘેર દીપ પ્રાગટય કરાશે : પ્રસાદ ફુડ પેકેટરૂપે અપાશે : શીખ અને સિંધી સમાજના હૈયે છવાતો ઉમંગ : ગુરૂદ્વારાઓમાં થશે સિમિત સંખ્યામાં પુજા અર્ચના : અખિલ વિશ્વ ગાયત્રી પરિવાર દ્વારા પણ દિપાંજલીનું આયોજન : રાજકોટના સદર બજાર ગુરૂદ્વારામાં સાદગીપૂર્ણ થશે ઉજવણી access_time 11:25 am IST

  • દેશમાં કોરોનાના કેસનો કુલ આંકડો 94 લાખને પાર પહોંચ્યો : મૃત્યુઆંક 1.37 લાખથી વધુ :રાત્રે 11 વાગ્યા સુધીમાં કોરોનાના નવા 37,685 કેસ નોંધાયા:કુલ કેસની સંખ્યા 94, 30,724 થઇ :એક્ટીવ કેસ 4,46,658 થયા : વધુ 43,590 દર્દીઓ સ્વસ્થ થતા કુલ 88,44,751 રિકવર થયા :વધુ 419 લોકોના મોત સાથે કુલ મૃત્યુઆંક 1,37,152 થયો access_time 12:08 am IST

  • દેશમાં પ્રવર્તતી કોવિડ-૧૯ની પરિસ્થિતિની ચર્ચા કરવા મોદી સરકારે ૪થી ડિસેમ્બરે સવારે ૧૦:૩૦ વાગ્યે સર્વપક્ષીય બેઠક બોલાવી છે access_time 2:01 pm IST