Gujarati News

તબ્બુ બોલીવૂડના દબંગ ખાન સલમાન ખાન સાથે અનેક ફિલ્મો કરી ચુકી છે. તેના રોલ ભલે મોટા ન હોય છતાં તે સલમાનની ફિલ્મમાં કામ કરે છે. હવે તે સલમાન સાથે ફિલ્મ 'ભારત'માં પણ નાનકડા રોલમાં જોવા મળશે. જો કે આ રોલથી પણ તે ખુશ છે. તબ્બુ કહે છે આ રોલ ભલે નાનકડો હોય પરંતુ સ્ટોરી લાઇન જોતાં તેનું ખુબ જ મહત્વ છે. તબ્બુ કહે છે હું ફિલ્મોમાં નહોતી એ પહેલાથી સલમાન ખાનને ઓળખું છું. સલમાન જ્યારે પણ મારી પાસે કોઇ રોલ લઇને આવે છે ત્યારે એ રોલ દમદાર જ હોય છે. સલમાનને ખબર જ હોય છે કે કયો રોલ મારા પર ફિટ બેસે છે. આથી જ એ જ્યારે મને રોલ ઓફર કરે છે ત્યારે હું ના પાડતી જ નથી. તબ્બુની છેલ્લી ફિલ્મ અંધાધુન દર્શકો અને વિવેચકોને ખુબ ગમી હતી. થ્રિલર ફિલ્મમાં આયુષ્યમાન ખુરાના મુખ્ય રોલમાં હતો. હજુ પણ આ ફિલ્મ માટે તબ્બુને લોકો ફોન કરીને વખાણ કરે છે.