Gujarati News

પંકજ ત્રિપાઠી એવો અભિનેતા બની ગયો છે જેનાથી ફિલ્મો અને સિરીઝના ચાહકો ભાગ્યે જ અજાણ હશે. તાજેતરમાં પંકજની વેબ સિરીઝ મિરઝાપુર-૨ રિલીઝ થઇ ગઇ છે. ફરીથી તેણે કાલીન ભૈયાના રોલમાં ધમાલ મચાવી દીધી છે. ભારતની બેસ્ટ વેબ સિરીઝમાં મિરઝાપુર સામેલ છે. પંકજના કાલીન ભૈયાના પાત્રના અસંખ્ય ચાહકો છે. જો કે પંકજે આ સિવાય પણ અનેક ફિલ્મો, સિરીઝમાં જોરદાર નેગેટિવ રોલ નિભાવ્યા છે. બોલીવૂડમાં જ્યારે પણ થ્રિલર અને બદલાવાળી ફિલ્મોને યાદ કરવામાં આવે છે ત્યારે પંકજનું નામ સામે આવે છે. ગેંગ્સ ઓફ વાસેપુર પણ તેમાં સામેલ છે. અનુરાગ કશ્યપની આ ફિલ્મમાં અનેક અભિનેતા હતાં. પણ પંકજે સુલ્તાનની ભુમિકાથી મેદાન મારી લીધી હતું. તેના ડાયલોગ પણ શાનદાર હતાં. અગાઉ આવેલી પાઉડર સિરીઝમાં પંકજ ડ્રગ માફીયા સરતાજ બન્યો હતો. ન્યુટનમાં પણ પંકજનો રોલ દમદાર હતો. પંકજે સાઉથની ફિલ્મો પણ કરી છે. એ પણ હિટ રહી છે. સુપર-૩૦માં પણ પંકજનો રોલ જબરદસ્ત હતો. તેમાં તે શિક્ષણમંત્રી બન્યો હતો.