Gujarati News

Gujarati News

News of Monday, 30th July 2018

અેકશન અને રોમાંચથી ભરપૂર ફિલ્મ અેટલે મિશન ઇમ્‍પોસિબલ ફોલઆઉટઃ

મુંબઇઃ આ મિશન ઈમ્પોસિબલ સીરીઝની છઠ્ઠી ફિલ્મ છે. ફિલ્મની વાર્તા તેની પાછળની ફિલ્મ મિશન ઈમ્પોસિબલઃ રોગ નેશનને આગળ વધારે છે. છેલ્લી ફિલ્મમાં ટોમ ક્રૂઝ બળવાખોર એજન્ટ સોલોમન લેન (શૉન હેરિસ)ની ધરપકડ કરે છે.

આ વખતે ફિલ્મનો હિરો ઈથન હંટ (ટોમ ક્રૂઝ)ની ઈમ્પોસિબલ મિશન ફોર્સ (IMF) આતંકવાદી જૉન લાર્ક અને અને તેના સાથીઓની શોધ કરે છે, જેઓ દુનિયાભરમાં પરમાણુ વિસ્ફોટ કરવાનું પ્લાનિંગ કરી રહ્યા હોય છે. સોલોમન પણ આ પ્લાનિંગનો એક ભાગ હોય છે.

એક સેફ હાઉસમાં રહેતા ઈથનને આ મિશનની જવાબદારી સોંપવામાં આવે છે. બર્લિનમાં મિશન દરમિયાન ઈથને પોતાના સાથીનો જીવ બચાવવા પ્યૂટોનિયમ તેના હાથમાંથી નિકળી જાય છે. ઈથનનું કામ બગાડવા માટે સીઆઈએ ડિરેક્ટર પોતાનો એક માણસ અગસ્ત વાલકર (હેનરી કાવિલ)ને તેમની ટીમમાં મોકલે છે. વાલકર જ્યારે જ્યારે તક મળે ત્યારે ઈથનના કામમાં મુશ્કેલી લાવે છે. ઈથનને જૉન લાર્કને પ્લૂટોનિયમ ખરીદવાથી રોકવાનો છે.

આ મિશનમાં ટીમ આઈએમએફ ઉપરાંત બ્રિટિશ જાસૂસ અને ઈથનની જૂની મિત્ર ઈલસા ફાસ્ટ (રેબેકા ફર્ગુસન) પણ તેની સાથે આવે છે. મહત્વની વાત છે કે ફિલ્મની વાર્તા છેલ્લે ભારતના સિયાચિનમાં આવે છે. ઈથન પોતાના મિશનમાં સફળ થાય છે કે નહીં તે જોવા માટે તમારે સિનિમા જવું પડશે.

ટોમ ક્રૂઝ દર વખતની જેમ આ વખતે પણ શાનદાર લાગી રહ્યો છે. ખાસ બાબતએ છે કે 56 વર્ષની ઉંમરે પણ જબરદસ્ત એક્શન સીન્સ કર્યા છે. મિશન ઈમ્પોસિબલની પહેલી ફિલ્મ 22 વર્ષ પહેલા 1996માં આવી હતી. દરેક ફિલ્મમાં અલગ અલગ એક્શન સિન્સ જોઈને ફેન્સ આ સિરીઝની આગામી ફિલ્મની રાહ જોતા હોય છે. આ ફિલ્સમાં પણ એક્શન સિન્સ જોઈને તમારો શ્વાસ રોકાઈ જશે. ખાસ કરીને હેલિકોપ્ટરવાળા સિન્સ.

ફિલ્મના રાઈટર અને ડિરેક્ટર ક્રિસ્ટોફર મેક્વેરીએ ફરી એક વખત સારી ફિલ્મ આપી છે. ફિલ્મમાં જરબદસ્ત એક્શનથી લઈને રોમાંચ બધુ જ છે. ટોમના સાથી એક્ટરોએ પણ સારું કામ કર્યું છે. ખાસ કરીને સીઆઈએ એજન્ટનો રોલ કરનારા હેનરી કાવિલે. જો તમને એક્શન અને રોમાંચ જોવાનો પસંદ હોય તો આ ફિલ્મ જરૂર જોવી જોઈએ.

(6:22 pm IST)