Gujarati News

Gujarati News

News of Tuesday, 29th September 2020

ચાહકો વગર હું કંઇ જ નથીઃ દિશા પટાની

સોશિયલ મિડીયા પર સક્રિય રહેતાં સ્ટાર્સમાં દિશા પટાનીનું નામ પણ ટોચ પર છે. લગભગ બધા જ સોશિયલ મિડીયા પ્લેટફોર્મ પર દિશાના અસંખ્ય ચાહકો છે. તાજેતરમાં ઇન્સ્ટાગ્રામ પર દિશાએ ચાલીસ મિલિયન ફોલોઅર્સનો માઇલ સ્ટોન પાર કર્યો છે. આ માટે તેણે પોતાના તમામ ચાહકોનો દિલથી આભાર માન્યો હતો અને એક વિડીયો પણ પોસ્ટ કર્યો હતો. આ વિડીયોમાં દિશા એક જીમમાં સાંઇઠ કિલો વજન ઉઠાવી કસરત કરતી જોવા મળે છે. તે વર્કઆઉટ પુરૂ કર્યા પછી જ ઉભી રહે છે તે એક ખાસ બાબત છે. દિશાએ વિડીયો સાથે લખ્યું છે ચાલીસ મિલિયન એટલે જાણે સાઇઠ કિલોગ્રામ વજન, મારા પ્યારા ચાહકો આપ સોૈને ખુબ ખુબ પ્રેમ અને આપ સોૈને ધન્યવાદ. હું આપ ચાહકો વગર કંઇ જ નથી. દિશા સતત સોશિયલ મિડીયા પર તસ્વીરો અને વિડીયો પોસ્ટ કરી ચાહકોના સંપર્કમાં રહે છે. દિશાની આગામી ફિલ્મ સલમાન સાથેની રાધે છે અને મોહિત સુરીની મલંગ-૨માં પણ તે જોડાઇ ચુકી છે.

(10:08 am IST)
  • ફ્રેન્ચ ઓપનમાં જબરો અપસેટ : એન્ડી મરે પ્રથમ રાઉન્ડમાં જ બહાર : ફ્રેન્ચ ઓપનમાં બ્રિટનના એન્ડી મરે પ્રથમ રાઉન્ડમાં જ બહાર ફેંકાઈ ગયો છે : વાવરીન્કાએ મરે ને એક કલાક અને ૩૭ મિનિટમાં ૬-૧, ૬-૩, ૬-૨થી હરાવી બીજા રાઉન્ડમાં પ્રવેશ કર્યો હતો access_time 3:11 pm IST

  • દેશમાં કોરોનાના કહેર વચ્ચે રાહત : સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 65,943 કેસ નોંધાયા : કુલ કેસની સંખ્યા 61,39,294 થઇ : હાલમાં 9,45,852 એક્ટીવ કેસ : વધુ 82,881 દર્દીઓ સ્વસ્થ થતા કુલ 50,96,260 રિકવર થયા : વધુ 746 લોકોના મોત સાથે મૃત્યુઆંક 96,322 થયો access_time 1:12 am IST

  • બપોરે ધોરાજીમાં ભૂકંપનો આંચકો : રાજકોટ - પોરબંદર હાઈવે ઉપર આવેલ રાજકોટથી ૧૦૦ કિ.મી. દૂર ધોરાજી શહેરમાં ૩:૪૫ વાગ્યે અત્યારે ભૂકંપનો જોરદાર આંચકો આવતા લોકોમાં ભારે ગભરાટ છવાઈ ગયેલ : અનેક લોકો ઘરની બહાર નીકળી ગયા (કિશોર રાઠોડ, ધોરાજી) access_time 3:59 pm IST