Gujarati News

અભિનેત્રી વાણી કપૂર યશરાજ બેનરની ફિલ્મમાં પડકારરૂપ રોલ નિભાવી રહી છે. શુધ્ધ દેસી રોમાન્સ અને બેફિક્રે જેવી ફિલ્મો કરીને જાણીતી બનેલી વાણી કપૂર યશરાજ બેનરની ફિલ્મો જ કરી રહી છે. આ વખતે ફિલ્મમાં રિતીક રોશન અને ટાઇગર શ્રોફ જેવા હીરો સાથે કામ કરવાની તેને તક મળી છે.

વાણી કપૂર કહે છે આ ફિલ્મનો મારો રોલ પડકારરૂપ હોવા સાથે રોમાંચક પણ છે. હું મારા પાત્ર વિશે હાલમાં વધુ કંઇ જણાવી શકીશ નહિ, પણ તે ખુબ જ રોમાંચક અને કસોટી કરી લેનારો છે. આ ફિલ્મ ૨૦૧૯માં બીજી ઓકટોબરના રિલીઝ થશે. ફિલ્મનું શુટીંગ આ મહિનાથી જ શરૂ થઇ જશે અને ફેબ્રુઆરી-૧૯માં પુરૂ થઇ જશે. વાણી આ ફિલ્મથી અત્યંત ખુશ છે.