Gujarati News

વિદ્યુત જામવાલ, શ્રુતિ હાસન, અમિત સાધ, વિજય વર્મા અને કેન્ની બાસુમત્રીની ફિલ્મ યારા આવતીકાલે ગુરૂવારે ડીજીટીલ પ્લેટફોર્મ ઝીફાઇવ પર સ્ટ્રીમ થઇ રહી છે. નિર્દેશક તિગ્માંશુ ધુલીયાની આ ફિલ્મમાં પાંચ મિત્રોની કહાની છે. સંજય મિશ્રા પણ ચમન નામના ખાસ રોલમાં જોવા મળશે.  ફિલ્મમાં સુકન્યાનો રોલ નિભાવી રહેલી શ્રુતિ હાસને કહ્યું હતું કે મારે આ ફિલ્મના એક સીન માટે ટ્રક ચલાવવો પડ્યો હતો. મોટા ભાગના લોકો એ જાણતા નથી કે હું એક સારી ડ્રાઇવર પણ છું. મારે ટ્રક ચલાવવાનો હતો એ સીન માટે સ્ટંટ સીન પણ ખુબ મદદગાર બની હતી. એક વ્યકિત મારી સીટ પાછળ બેસી કલચ અને ગીયર શિફટ કરવા બેઠો હતો. મારા માટે આ કામ સરળ નહોતું. હું એક પહાડ પર ટ્રક ચલાવવાનો પ્રયાસ કરતી હોઉ તેવું એ દ્રશ્ય ખરેખર મજેદાર હતું. ઉત્તરાખંડની સડકો પર ટ્રક ચલાવવાનું કામ મારા માટે ખુબ કઠીન બની રહ્યું હતું.  શ્રુતિ લાંબા સમય પછી બોલીવૂડમાં ફરી જોવા મળી છે.