Gujarati News

નવી દિલ્હી : જોન અબ્રાહમ તથા ઈમરાન હાશ્મી પહેલી જ વાર ડિરેક્ટર સંજય ગુપ્તાની ફિલ્મમાં સાથે કામ કરી રહ્યાં છે. આ ફિલ્મ ગેંગસ્ટર પર આધારિત છે. આ ફિલ્મનું નામ ’મુંબઈ સાગા’ છે. આ ફિલ્મનું શૂટિંગ આવતા મહિનાથી શરૂ થશે અને ફિલ્મ આવતા વર્ષે રિલીઝ થશે. ફિલ્મમાં જોન અબ્રાહમ તથા ઈમરાન હાશ્મી બંને ગેંગસ્ટરના રોલમાં જોવા મળશે. આ ફિલ્મ 1980-90ના દાયકા પર આધારિત છે. ઈમરાન હાશ્મીએ નવ વર્ષ પહેલાં ’વન્સ અપોન અ ટાઈમ ઈન મુંબઈ’માં શોએબ ખાન ડોનનો રોલ પ્લે કર્યો હતો. જોન છ વર્ષ પહેલાં ’શૂટ આઉટ એટ વડાલા’માં માન્યા સુર્વે બન્યો હતો.

ફિલ્મ મુંબઈ સાગામાં જોન અબ્રાહમ, ઈમરાન હાશ્મી, પ્રતીક બબ્બર, અમોલ ગુપ્તે, ગુલશન ગ્રોવર, રોહિત રોય પણ જોવા મળશે. મુંબઈ સાગા ફિલ્મ ગેંગસ્ટર ડ્રામા બેઝ્ડ છે અને ફિલ્મનું ડિરેક્શન સંજય ગુપ્તા દ્વારા કરવામાં આવી રહ્યું છે. આ ફિલ્મમાં કામ કરવાના પોતાના ઉત્સાહ વિશે સુનીલ શેટ્ટીએ કહ્યું છે કે  બહુ લાંબા સમયથી પછી હું કોઈ શૂટિંગ કરી રહ્યો છું અને મને ખબર છે કેઆ ફિલ્મમાં કામ કરવાની બહુ મજા આવશે.

સંજય ગુપ્તા ફિલ્મ કાંટે, જિંદા, મુસાફિર, શૂટઆઉટ એટ લોખંડવાલા અને કાબીલ માટે જાણીતા છે. આ બધી ફિલ્મોમાં ગુંડાઓને મુખ્ય પ્રવાહમાં રાખવામાં આવ્યાં હતાં. સંજય પોતાની આગામી ફિલ્મ વિશે કહે છે, "મેં મારી 25 વર્ષની કારકિર્દીમાં 17 ફિલ્મો બનાવી છે. આ બધી ફિલ્મોમાં મેં પ્રેક્ષકોને કંઈક ને કંઇક નવું આપ્યું છે. મુંબઇ સાગા મારા અત્યાર સુધીમાં મારા કારકિર્દીની સૌથી શ્રેષ્ઠ ફિલ્મોમાંની એક હશે.