Gujarati News

Gujarati News

News of Friday, 29th May 2020

'હનુમાન ચાલીસા' નો જાદુઃ યૂટ્યૂબ પર ૧ અબજ વ્યૂઝ મળ્યા

'હનુમાન ચાલીસા'સૌથી જોવાતું ભજન બન્યું

મુંબઈ, તા.૨૯: કોરોના વાઇરસને લઈને દેશભરમાં લોકડાઉનનો ચોથો તબક્કો ચાલી રહ્યો છે. લોકો ઘરોમાં નજરકેદ થવા મજબૂર બન્યા છે. આવામાં લોકો ઘરોમાં સમય પસાર કરવા પોતપોતાની રીતે મનોરંજન કરી લે છે. લોકડાઉનમાં 'રામાયણ'અને 'મહાભારત' ટીવી સિરિયલોને ફરી પ્રસારિત કરવાની માગ ઊઠી હતી અને એ બંને રી-ટેલિકાસ્ટ પણ કરાઈ. રામાયણને લઈને લોકોની લાગણી એવી રહી હતી કે રી-ટેલિકાસ્ટ કરવામાં આવેલી એ સિરિયલે TRPના તમામ રેકોર્ડ તોડી નાખ્યા. રામાયણ વિશ્વભરમાં સૌથી વધારે જોવાયેલી ટીવી સિરિયલ બની ગઈ. હવે નવા ખુશખબર હનુમાન ચાલીસાને લગતા છે.વ્-સિરીઝ નિર્મિત 'હનુમાન ચાલીસા'એ સૌથી વધુ વાર જોવાયેલા ધાર્મિક ભજનનો રેકોર્ડ પોતાને નામ કરી લીધો છે. આ વાતની માહિતી ટી-સિરીઝના માલિક ભૂષણ કુમારે ટ્વીટ કરીને આપી છે. તેમણે લખ્યું હતું કે આજે ટી-સિરીઝ પરિવાર માટે બહુ ખુશીની પળ છે, કેમ કે આજે ટી-સિરીઝના ભકિત વિડિયો 'હનુમાન ચાલીસા'એ એક અબજ વ્યૂઝ હાંસલ કરી લીધા છે. 'હનુમાન ચાલીસા'સૌથી જોવાતું ભજન બન્યું. તેમણે તેમના સદ્દગત પિતા ગુલશન કુમારને યાદ કરતાં લખ્યું હતું કે પાપા, તમારા આશીર્વાદ હંમેશાંની અમારી સાથે છે અને અમે આગળ પણ આ રીતે લક્ષ્ય હાંસલ કરતા રહીશું.

આ ભજન હરિહરને ગાયું છે. હનુમાન ચાલીસાને આજે નવ વર્ષ, પહેલાં ૨૦૧૧માં યૂટ્યૂબ પર અપલોડ કરવામાં આવ્યું હતું.

ટી-સિરીઝ પ્રારંભના સમયમાં ભકિત સંગીતના બજારમાં સૌથી આગળ હતી. વ્-સિરીઝ ભારતીય દેવી-દેવતાઓનાં રેકોર્ડેડ ભજન અને આરતી માટે મશહૂર છે. જેને લોકોએ બહુ પસંદ કર્યું છે. ટી-સિરીઝના સંસ્થાપક ગુલશન કુમાર  ૮૦ અને ૯૦ના દાયકાઓમાં ભકિત ગીતોના વિડિયોમાં બહુ સામેલ થતા હતા. તેમના પુત્ર ભૂષણકુમાર  સંગીતની આ શૈલી પર પર્યાપ્ત ધ્યાન કેન્દ્રિત કરીને પોતાની વિરાસતને જીવિત રાખી છે.(૨૩.૮)

(11:36 am IST)
  • રાજકોટમાં આજે લેવાયેલ 150 રિપોર્ટમાંથી 140 નેગેટિવ 7 પોઝિટિવ અને 3 નું રિઝલ્ટ બાકી: રાજકોટમાં ચાર રિપોર્ટ પોઝિટિવ : ગોંડલના બે રિપોર્ટ પોઝિટીવ આવ્યો access_time 8:24 pm IST

  • મોદી - શાહ વચ્ચે મહત્વની બેઠક : લોકડાઉન-૫ પૂર્વે આજે અત્યારે ૧૧ાા વાગે ગૃહપ્રધાન અમિતભાઇ શાહ વડાપ્રધાનને મળી રહયાનું જાણવા મળે છે. આ પૂર્વે અમિતભાઇએ તમામ રાજયોના મુખ્યમંત્રીઓ સાથે મંત્રણા કરી લોકડાઉન અંગે તેમના મન જાણ્યા હતા. ૩૧ મે પછી કોરોના અંગે શું રણનીતી અમલમાં મુકવી તેની અંતિમ ચર્ચા ચાલી રહી છે. access_time 11:51 am IST

  • રાત્રે દિલ્હીના કેટલાક વિસ્તારોમાં ગાજવીજ વરસાદ : વાતાવરણમાં પલટો access_time 12:43 am IST