Gujarati News

Gujarati News

News of Wednesday, 28th October 2020

એ નાના નાના વિડીયો અમારા માટે સ્ટ્રેસ બસ્ટરનું કામ કરે છેઃ નિલુ વાઘેલા

ટીવી પરદે કામ કરતાં કલાકારોને કલાકો સુધી શુટીંગમાં વ્યસ્ત રહેવાનું હોય છે. તેઓનું શેડ્યુલ ખુબ થકવી દેનારું હોય છે. જો કે સાથોસાથ એક બીજાની સાથે વધુને વધુ સમય વિતાવવાની તક પણ આપે છે. આ કલાકારો સાથે મળીને એકબીજા સાથે હસીમજાક કરે છે અને શુટીંગ વચ્ચે સમય મળતાં જ મોજમસ્તી કરે છે. એ મેરે હમસફરના અભિનેતાઓ સમય મળતાં જ એકઠા થઇ જાય છે. નિલુ વાઘેલા, ટીના ફિલીપ, ઋષિના કંધારી, સંદિપ ગોયલ, પૂજા સિંહ સહિતના કલાકારો સોશિયલ મિડીયા એપના ફિલ્ટરનો ઉપયોગ કરી મજેદાર વિડીયો બનાવે છે. આ બધા આ પ્રક્રિયાનો ભરપુર આનંદ લે છે. નિલુ વાઘેલા શોમાં પ્રતિભાદેવીનો રોલ નિભાવી રહી છે. તે કહે છે અમે કેટલાક દિવસોથી રોજેરોજ કલાકોના કલાકો શુટીંગ કરીએ છીએ. હવે થોડો થાક પણ લાગે છે. થાકમાંથી બહાર નીકળવા અમે નાના નાના વિડીયો બનાવવાનો પ્રયાસ કરીએ છીએ, આ વિડીયો અમને હસાવે તેવા હોય છે. એટલે કે સ્ટ્રેસ બસ્ટરનું કામ તે કરે છે.

(10:56 am IST)
  • દેશમાં કોરોનાના નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 42,714 કેસ નોંધાયા:કુલ કેસનો આંકડો 79,88,783 થયો :એક્ટીવ કેસ ઘટીને 6,10,345 થયા:વધુ 58,006 દર્દીઓ સ્વસ્થ થતા કુલ 72,57,022 રિકવર થયા :વધુ 509 લોકોના મોત સાથે કુલ મૃત્યુઆંક 1,20,053 થયો access_time 1:08 am IST

  • ' વૃંદાવનમાં બાંકે બિહારીનો જયજયકાર ' : દર્શન માટે આવી રહેલા શ્રદ્ધાળુઓની સંખ્યામાં આજથી વધારો કરાયો : દરરોજ બે હજાર ભક્તોને બદલે હવેથી અઢી હજાર ભક્તો દર્શન કરી શકશે : દર્શન માટે ઓનલાઇન રજીસ્ટ્રેશન કરાવવું ફરજીયાત : કોવિદ -19 ના નિયમોનું પાલન કરવાનું રહેશે access_time 2:05 pm IST

  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST