Gujarati News

મુંબઈ : ‘ધ કપિલ શર્મા શો’ની ત્રીજી સિઝન સાથે ફરી ટીવી પર આવવાની તૈયારીમાં છે. આ શો ખુબ લોકપ્રિય છે. કપિલ અને તેની કોમેડી પણ એટલી જ લોકોને પસંદ આવે છે. અહેવાલો અનુસાર કપિલ શર્મા આ વખતથી તેમની શો ફી વધારવા જઈ રહ્યા છે

 અહેવાલ પ્રમાણે અત્યાર સુધી કપિલ શર્માને એપિસોડ દીઠ 30 લાખ રૂપિયા મળતા હતા. એટલે કે કપિલ શર્મા શો અઠવાડિયામાં 2 દિવસ આવે છે. જેથી તેમની અઠવાડિયાની કમાણી 60 લાખ રૂપિયા હતી. હવે અહેવાલ આવી રહ્યા છે કે કપિલે પોતાની ફી વધારીને એક એપિસોડના 50 લાખ કરી દીધી છે.

 અઠવાડિયામાં 2 એપિસોડ પ્રમાણે જોવા જઈએ તો કપિલની અઠવાડિયાના એપિસોડની ફી 1 કરોડ પહોંચી ગઈ છે. આ શો અઠવાડિયાના બે દિવસ શનિવાર અને રવિવારના રોજ આવે છે. લોકોને પેટ પકડીને હસાવવાની કપિલની ફી હવે વધી ગઈ છે. જો કે હજુ સુધી આ વિષયે સત્તાવાર ઘોષણા કે પૃષ્ટિ નથી થઇ.

કપિલ શર્માની ફેન ફોલોવિંગ ખુબ જ વિશાળ છે. અને ઘણા સમયથી આ શો જોવા નથી મળ્યો. જેથી લોકો તેની ખુબ રાહ જોઈ રહ્યા છે. આ પ્રમાણે વિચારીએ તો આ ચાન્સનો લાભ કપિલને મળી શકે એમ છે