Gujarati News

Gujarati News

News of Monday, 28th May 2018

ઈમ્તિયાલ અલીની ફિલ્મ શાહિદ કપૂરે છોડી દીધી

મુંબઈ: ગત વર્ષે એવા અહેવાલ સામે આવ્યા હતા કે બોલીવુડ હિટ ફિલ્મ જબ વી મેટના આશરે ૧૦ વર્ષ બાદ શાહિદ કપુર અને ડાયરેક્ટર ઈમ્તિયાઝ અલી ફરી એકવાર સાથે ફિલ્મમાં કામ કરશે. આ અહેવાલો બાદ બન્નેએ આ ફિલ્મ અંગે સત્તાવાર જાહેરાત પણ કરી હતી, પરંતુ હવે લાગી રહ્યુ છે કે આમ નહીં બને. 
સુત્રોના જણાવ્યા મુજબ શાહિદ કપુરે ઈમ્તિયાઝ અલીની ફિલ્મ છોડી દીધી છે અને હવે તે આ ફિલ્મનો ભાગ નથી. એક અગ્રણી સમાચાર વેબસાઈટના જણાવ્યા મુજબ શાહિદ ઈમ્તિયાઝની આ ફિલ્મને લઈ ઉત્સાહિત હતો. તેણે નવેમ્બર ૨૦૧૭માં આ માટે લૂક ટેસ્ટ પણ આપ્યો હતો, પરંતુ સ્ક્રિપ્ટને લઈ શાહિદ આશ્વસ્ત હોવાથી તેણે ફિલ્મમાંથી પોતાનુ નામ પરત લઈ લીધુ છે. 
હવે શાહિદ કપુરની જગ્યાએ ઈમ્તિયાઝની આ ફિલ્મમાં નેશનલ એવોર્ડ વિનિંગ અભિનેતા રાજકુમાર રાવ નજરે પડશે. જોકે હજી સુધી આ અંગે કોઈ સત્તાવાર જાહેરાત કરવામાં આવી નથી. પરંતુ જો આમ થશે તો એવુ પ્રથમ વખત બનશે જ્યારે રાજકુમાર રાવ અને ઈમ્તિયાઝ અલી એક સાથે કામ કરશે. મહત્વનુ છે કે ઈમ્તિયાઝ અલીની ફિલ્મ જબ વી મેટમાં શાહિદ કપુર ઉપરાંત કરીના કપુર મુખ્ય ભૂમિકામાં નજરે પડયા હતા.


 

(4:55 pm IST)
  • શેરબજારઃ ઇન્‍ડેક્ષ ફરી ૩પ હજારને પારઃ ૧પ૦ ઉછળ્‍યોઃ નીફટી ૬૩ પોઇન્‍ટ ચડીઃ ફાર્મા શેરોમાં તેજીનો દોર : ક્રુડનાં ભાવમાં ઘટાડોઃ રૂપિયો મજબુત થતા શેરબજારમાં પ્રથમ દિવસે જ ઉછાળોઃ ઇન્‍ડેક્ષ ૧પ૦ તો નીફટી ૬૩ ઉછળીઃ ઇન્‍ડેક્ષ ૩પ હજારને પારઃ સ્‍મોલકેપ-મીડ કેપ-ફાર્મા-બેન્‍ક શેરો-ઓટો શેરોમાં ઉછાળાઃ આઇટી શેરોમાં નબળાઇ access_time 11:41 am IST

  • ગુજરાત બોર્ડ દ્વારા ધો. 10નું પરિણામ સવારે 5 વાગ્યે બોર્ડની વેબસાઈટ www.gseb.org તથા www.gipl.net પર જાહેર કરાયું : બોર્ડ દ્વારા સવારે વેબસાઈટ પર પરિણામ જાહેર કરાયા બાદ માર્કશીટ પણ સોમવારે જ આપી દેવાનું આયોજન : ધો.10ની માર્કશીટનું વિતરણ જિલ્લાના વિતરણ સ્થળોએ સવારના 11 વાગ્યાથી બપોરના 2 વાગ્યા સુધી કરવામાં આવશે : જે-તે સ્કૂલોએ વિતરણ સ્થળોએથી માર્કશીટ મેળવી લઈ વિદ્યાર્થીઓને આપવાની રહેશે. access_time 8:19 am IST

  • વડાપ્રધાન નરેન્દ્ર મોદી આજથી 2 જૂન સુધી ઇન્ડોનેશિયા, મલેશિયા અને સિંગાપોરની મુલાકાતે જવા રવાના થશે, જેમાં PM થોડા સમયે માટે કુઆલાલમપુરમાં રોકાણ કરશે. તે દરમિયાન વડાપ્રધાન નરેન્દ્ર મોદી મલેશિયાના નવ નિયુક્ત વડાપ્રધાન મહાતિર મોહમ્મદ સાથે મુલાકાત કરશે. વડાપ્રધાન નરેન્દ્ર મોદી જકાર્તામાં પતંગ મહોત્સવનું પણ ઉધ્ધાટન કરશે. 1 જૂને સિંગાપોરમાં શાંગરી-લા સંવાદને સંબોધન કરશે વડાપ્રધાન મોદી અને આ કાર્યક્રમમાં મુખ્યવકતા તરીકે આમંત્રિત કરાયા હોય તેવા ભારતના પ્રથમ PM બનશે. access_time 8:29 am IST