Gujarati News

Gujarati News

News of Monday, 28th May 2018

બે દાયકા બાદ લગ્નનો અંત આણશે અર્જુન રામપાલ અને પત્ની મેહર: છૂટાછેડા લેશે

અમે બન્ને સારા મિત્રો બનીને રહીશું અને જ્યારે એકબીજાને જરુર હશે ત્યારે એકબીજાનો સાથ પણ આપીશું.

મુંબઈ :લગ્નના બે દાયકા બાદ અર્જુન રામપાલ અને તેની પત્ની છુટ્ટા પડશે અર્જુન રામપાલ અને મેહર રામપાલે પોતાના 20 વર્ષના લગ્નનો અંત લાવાવની જાહેરાત કરી છે. અર્જુન અને મેહરે જણાવ્યું કે, અમને લાગ્યું કે હવે અમારા બન્ને માટે પોતાના અલગ મુકામ પર પહોંચવાનો સમય આવી ગયો છે.

  અત્રે ઉલ્લેખનીય છે કે અર્જુન અને મેહરની મહિકા(16) અને માયરા(13) નામની બે દીકરીઓ પણ છે. પોતાના જોઈન્ટ સ્ટેટમેન્ટમાં અર્જુન અને મેહરે કહ્યું છે કે, તેઓ હંમેશા એકબીજા માટે હાજર રહેશે અને ખાસ કરીને તેમની દીકરીઓ માટે.

   પોતાના સંયુક્ત નિવેદનમાં તેમણે કહ્યું કે, 20 વર્ષની આ સુંદર જર્નીનો અંત લાવવાનો સમય આવી ગયો છે. અમે બન્ને સારા મિત્રો બનીને રહીશું અને જ્યારે એકબીજાને જરુર હશે ત્યારે એકબીજાનો સાથ પણ આપીશું.

ઉલ્લેખનીય છે કે, અર્જુન રામપાલનું નામ રિતિક રોશનની એક્સ વાઈફ સુઝૈન ખાન સાથે જોડવામાં આવતુ હતું અને તેમના અફેરની પણ ચર્ચા ચાલુ હતી. રિતિક અને અર્જુન એકસમયે ફેમિલી ફ્રેન્ડ્સ હતા. સુઝેન અને મેહર ઘણીવાર પાર્ટીમાં સાથે જોવા મળતા હતા. ચાર વર્ષ પહેલા રિતિક અને સુઝેન અલગ થયા ત્યારે અર્જુનને કારણ માનવામાં આવતો હતો.

(12:54 pm IST)
  • રાજકોટ નેશનલ હાઈવે પર આવેલ ભૂણાવા ગામ સ્થિત વાઘેશ્વર મહાદેવના મંદિર પાસે મોડી રાત્રે કોઈ અજાણ્યા શકશો નવજાત બાળકને તરછોડી અને ભાગી છૂટ્યા : ગોંડલ બાલાશ્રમના ચેરમેન સહિતના કર્મચારીઓએ આ નવજાત બાળકને હોસ્પિટલમાં દાખલ કર્યું : પોલીસે વધુ તપાસ હાથ ધરી છે access_time 8:34 am IST

  • પ્રચંડ હીટ વેવની ઝપટમાં દિલ્હી અને એનસીઆર: પાલમ ખાતે ૪૬ પોઈન્ટ ૨ ડિગ્રી અને સફદરજંગ ખાતે ૪૫ ડિગ્રી જેવું ચામડી બાળતુ ઉષ્ણતામાન નોંધાયું: હજી બે દિવસ સુધી ચાલુ રહેશે તેમ ખાનગી વેધર કમ્પનીએ જણાવ્યું છે. access_time 10:18 pm IST

  • CBSE ધોરણ 10નું પરિણામ આજે બપોરે ૪ વાગ્યે થશે જાહેર : cbseresults.nic.in, cbse.nic.in અને results.nic.in વેબસાઈટ પર પરીણામ જોઈ શકાશે access_time 8:30 am IST