Gujarati News

મુંબઇઃ છેલ્લા દાયકાઓમાં હિન્દી ફિલ્મ ઈન્ડસ્ટ્રીમાં એવા ઘણા કલાકારો છે જેમની ફેન ફોલોઈંગ જબરદસ્ત હતી અને તેઓને આજે પણ યાદ કરવામાં આવે છે. છેલ્લા ત્રણ દાયકાથી લોકોના દિલ પર રાજ કરી રહેલ વ્યક્તિ બોલિવૂડના 'બાદશાહ' શાહરૂખ ખાન છે. ફેન્સ જેટલુ શાહરૂખને પસંદ કરે છે તેટલો જ પ્રેમ તેના સમગ્ર પરિવારને આપે છે; પછી તે અભિનેતાની પત્ની ગૌરી ખાન હોય કે તેના બાળકો સુહાના ખાન, આર્યન ખાન હોય કે અબરામ ખાન. થોડા સમય પહેલા, ગૌરી ખાને શાહરૂખ અને તેના બાળકો સાથેનો તેનો એક અનસીન ફેમિલી ફોટો શેર કર્યો છે જેને ફેન્સ ખુબ પસંદ કરી રહ્યા છે.

ગૌરી ખાને ફેમિલીનો નવો ફોટો શેર કર્યો

અમે તમને હમણાં જ કહ્યું તેમ, ગૌરી ખાને થોડા સમય પહેલા ઇન્સ્ટાગ્રામ પર એક નવો ફેમિલી ફોટો શેર કર્યો છે, જેમાં તે તેના પતિ શાહરૂખ ખાન અને બાળકો આર્યન, સુહાના અને અબરામ સાથે તેમના ઘર 'મન્નત' માં જોવા મળી રહ્યા છે. આ ફોટો સાથે, ગૌરીએ જાહેરાત કરી કે તે ટૂંક સમયમાં એક ખાસ કોફી ટેબલ બુક લઈને આવી રહી છે જેમાં તેના પરિવારની અનસીન તસવીરો શેર કરવામાં આવશે.

સુહાના ખાન

ગૌરી ખાનના આ ફોટોમાં તમે જોઈ શકો છો કે પાંચેય લોકો બ્લેક કલરમાં કોઓર્ડિનેટેડ છે. હાઈ-સ્લિટ ડ્રેસમાં ગૌરી ખાન ડ્રોપ ડેડ ખૂબસૂરત દેખાઈ રહી છે પરંતુ સુહાના ખાન આ ફોટામાં લાઇમલાઇટમાં છે! સુહાના ખાન અહીં બ્લેક એન્ડ વ્હાઇટ જમ્પસૂટમાં સિઝલિંગ હોટ દેખાઈ રહી છે. આર્યન ખાન પણ ખૂબ જ હોટ લાગી રહ્યો છે. આ ફોટો પર ફેન્સની કોમેન્ટ્સ આવી રહી છે, સાથે જ શાહરૂખ અને ગૌરીના મિત્રોએ પણ આ ફોટો પર પ્રેમ વરસાવ્યો છે.