Gujarati News

Gujarati News

News of Saturday, 28th March 2020

ટેલિવિઝન સીરિયલ ‘બાલિકા વધુ’ના એક્ટર રૂસલાન મુમતાઝ અને તેની પત્ની નિરાલીએ નવજાત પુત્રની તસ્‍વીર સોશ્યલ મીડિયામાં શેર કરી

મુંબઈ: ટેલિવિઝન સીરિયલ ‘બાલિકા વધુ’ના એક્ટર રુસલાન મુમતાઝ અને તેની પત્ની નિરાલીના પહેલા સંતાનમાં દીકરાનો જન્મ થયો છે. રુસલાન અને નિરાલીએ પોતાના દીકરાની તસવીર સોશિયલ મીડિયામાં શેયર કરી છે. નિરાલી અને રુસલાને 2014માં લગ્ન કર્યા કર્યા હતા. બંનેએ થોડા વર્ષો સુધી ડેટિંગ કર્યા બાદ લગ્નનો નિર્ણય લીધો હતો. બંનેની પહેલી મુલાકાત શામક દાવરના ડાન્સ ક્લાસમાં થઈ હતી.

રુસલાને સોશિયલ મીડિયા પર બાળકના જન્મના સારા સમાચાર શેર કર્યા છે. રુસલાન અને નિરાલીના ઘરે દીકરાનો જન્મ થયો છે. રુસલાને દીકરાની તસવીરો શેર કરવાની સાથે એક લાંબી પોસ્ટ પણ લખી છે. રુસલાને જણાવ્યું કે, તે પહેલા બાળકની તસવીર શેર નહોતો કરવાનો પરંતુ તેને થયું કે, લોકડાઉનના સમયમાં ઘરમાં બંધ લોકોના ચહેરા પર આ સમાચાર ખુશી લાવી શકે છે. હાલ દુનિયાભરમાં કોરોના વાયરસને લીધે જે ટેન્શન અને ઉદાસીનો માહોલ છે જેમાં નાના બાળકના જન્મના સમાચાર દિવસ સુધારી શકે છે. મને ખરેખર લાગે છે કે જ્યારે દુનિયા ખરાબ સમયમાંથી પસાર થઈ રહી હોય એ દરમિયાન જન્મેલું બાળક કોઈ ઉદ્દેશ સાથે આવે છે. હું ખુશ છું કે મારું છોટા બેબી મુશ્કેલ સમયમાં સુપર હીરો બનીને આવ્યું છે. તે દુનિયાને વધુ સુંદર બનાવશે. હું આશા રાખું છું અને પ્રાર્થના કરું છું કે આ દુનિયા આપણા માટે, આપણા પેરેન્ટ્સ માટે અને આપણા બાળકો માટે સારું સ્થાન બને.

રુસલાન અને નિરાલીએ ફેબ્રુઆરી મહિનામાં પ્રેગ્નેન્સીની વાત જાહેર કરી હતી. હજી તેમણે પોતાના દીકરાનું નામ જાહેર નથી કર્યું.

(4:32 pm IST)
  • શહેરોમાંથી ગામડે ભાગતા લોકોનો મામલો સુપ્રિમમાં : ૩૦મીએ સુનાવણી : દિલ્હી અને અન્ય મોટા શહેરો છોડીને પોતાના ગામડે જવાનો પ્રયત્ન કરી રહેલા લોકોને વાહનની સગવડ અને અન્ય સુવિધાઓ આપવાની માંગણી કરતી જાહેર હિતની અરજી સુપ્રિમમાં કરાઈ છે. સુપ્રિમ કોર્ટમાં તેની સુનાવણી ૩૦ માર્ચે થઈ શકે છે. access_time 1:07 pm IST

  • પેટ્રોલ પંપ ૨૪ કલાક ખૂલ્લા રાખવાના છેઃ સરકારની પણ સૂચના છેઃ કલેકટર તંત્ર દ્વારા જાહેર કરાયેલી સૂચના : પેટ્રોલ-ડીઝલ પંપ એસો. દ્વારા ગુજરાતભરમાં અને રાજકોટ-સૌરાષ્ટ્રમાં બપોરે ૪ સુધી ખૂલ્લા રહેશે તેવી ત્રણ દિ' પહેલા જાહેરાત કરાયેલ તે સામે રાજકોટ કલેકટર તંત્રે સ્પષ્ટતા કરી છે કે પેટ્રોલ પંપ ૨૪ કલાક ખૂલ્લા રાખવાના છેઃ લોકડાઉનમાંથી મુકિત છેઃ સરકારની પણ આ બાબતની સૂચના છે access_time 3:48 pm IST

  • દોઢ લાખ કંપનીના કર્મચારીઓ ઘરે બેસીને કામ કરે છે : દેશની ૧.૪૦ લાખ કંપનીઓએ તેમના કર્મચારીઓને ઘેર બેસી કામ કરવા મંજૂરી આપી છે, જેથી કોરોનાના ફેલાવવાને અટકાવી શકાય તેવી આરોગ્ય મંત્રાલયે જાહેરાત કરી છે access_time 3:54 pm IST