Gujarati News

Gujarati News

News of Thursday, 28th February 2019

અવકાશયાત્રી રાકેશ શર્માની બાયો ફિલ્મમાં વિકી કૌશલ નહીં હોય

મુંબઇ:  દેશના પ્રથમ અવકાશયાત્રી રાકેશ શર્માની બાયો ફિલ્મ વીકી કૌશલ કરી રહ્યો નથી એવી સ્પષ્ટતા વીકીના પ્રવક્તાએ કરી હતી. સૌથી પહેલાં ફિલ્મ આમિર ખાનને ઑફર કરાઇ હતી. આમિરે ઠગ્સ ઑફ હિન્દુસ્તાનને પૂરતો સમય આપવાની ઇચ્છાને કારણે રાકેશ શર્માની બાયો-ફિલ્મ સેલ્યુટ સ્વીકાર્યા પછી પાછળથી ના પાડી હતી. એના સ્થાને શાહરુખ ખાન આવ્યો હતો. શાહરુખની ઝીરો પીટાઇ ગયા પછી શાહરુખે કોઇ નવા પ્રયોગો કરવાનો વિચાર પડતો મૂક્યો અને બાયો-ફિલ્મ કરવાની પણ ના પાડી દીધી. ત્યારબાદ એવી વાતો ઊડી હતી કે ઊરી ફેમ વીકી કૌશલ ફિલ્મ કરી રહ્યો છે. શાહરુખ ખાનના સ્થાને વીકી કૌશલને લેવામાં આવ્યો છે એવા અહેવાલો પણ પ્રગટ થયા હતા. અહેવાલને રદિયો આપતાં માહિતગાર વર્તુળોએ કહ્યું કે વીકી બધી રીતે ફિટ અને પ્રતિભાવાન હોવા છતાં એને ફિલ્મની ઑફર કરાઇ નથી. અંગે પ્રગટ થયેલા અહેવાલો નરી કલ્પના છે. સમર્થનવિહોણા એક અહેવાલ મુજબ વીકીને ફિલ્મની ઑફર કરાઇ હતી પરંતુ એણે હજુ હા પાડી નથી કારણ કે એની પાસે હાલ પૂરતી ફિલ્મો છે એટલે તારીખોનો ક્લેશ થવાની પૂરી શક્યતા છે. કેટલાક લોકો વળી એવું માને છે કે શાહરુખ કદાચ પોતાનો નિર્ણય બદલે પણ ખરો.

 

 

(4:57 pm IST)
  • હિજરત : પાકિસ્તાનના લશ્કર દ્વારા કરવામાં આવેલા ગોળીબારોને કારણે સલામત સ્થળે જવા રવાના થતા પૂંછ નજીકના ગ્રામજનો. access_time 3:31 pm IST

  • રાંધણગેસમાં ભાવ વધારો કરાયો :સબસિડીવાળા સિલિન્ડરમાં 2,08 રૂપિયા અને બિન સબસિડીવાળા સિલિન્ડરના ભાવમાં 42,50 રૂપિયાનો વધારો ઝીકાયૉ access_time 1:14 am IST

  • ઝારખંડમાં પાકિસ્તાની ઝંડાવાળા શર્ટ પહેરવા બદલ 11 યુવકો વિરુદ્ધ દેશદ્રોહનો કેસ દાખલ ;જિલ્લા વહીવટી તંત્રએ સાંજે બૈદયપૂર ગામમાં ધારા 144 લાગુ કરી ;પાકિસ્તાની ઝંડાવાળા શર્ટ પહેરેલી યુવકોની કથિત તસ્વીરને લઈને તંગદિલી :ચુસ્ત બંદોબસ્ત ગોઠવાયો access_time 12:37 am IST