Gujarati News

Gujarati News

News of Friday, 27th November 2020

રકુલપ્રિત સિંહનું અજય સાથે વન્સમોરઃ આવતા મહિને શુટીંગ

અભિનેતા અજય દેવગણ વધુ એક વખત નિર્દેશક તરીકે હાથ અજમાવી રહ્યો છે. આ માટે તે અમિતાભ બચ્ચનને લઇને 'મેડે' નામની ફિલ્મ બનાવી રહ્યો છે. જેનું નિર્દેશન અજય પોતે કરશે.

આ ફિલ્મમાં રકુલપ્રિત સિંહની પણ એન્ટ્રી થઇ છે. અગાઉ દે દે પ્યાર દેમાં રકુલ અને અજય સાથે કામ કરી ચુકયા છે. મેડે ફિલ્મમાં રકુલપ્રિત કો-પાયલોટનો રોલ નિભાવશે. ફિલ્મનું નિર્દેશન ઉપરાંત નિર્માણ પણ અજય દેવગણ કરશે. ડિસેમ્બરમાં આ ફિલ્મનું શુટીંગ હૈદરાબાદમાં શરૂ થઇ જશે. આ એક થ્રિલર ફિલ્મ છે. અજય અને અમિતાભ બચ્ચન અગાઉ પણ મેજરસાબ, ખાકી, સત્યાગ્રહ સહિતની ફિલ્મો સાથે કરી ચુકયા છે. બંનેને અગાઉ પણ દર્શકો એક સાથે પસંદ કરી ચુકયા છે. હવે વધુ એક વખત આ જોડી જોવા મળશે.

(9:46 am IST)
  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST