Gujarati News

ગુજરાતી અભિનેત્રી ઇશા કંસારાને સ્ટાર પ્લસના નવા શો 'જિંદગી મેરે ઘર આના'માં મુખ્ય રોલ મળતાં તેની ખુશીનો પાર નથી. ઇશા આ શોમાં અમૃતાનું મુખ્ય પાત્ર ભજવી રહી છે. ઇશાએ કહ્યું હતું કે મને આ શોનું અમૃતાનું પાત્ર એટલુ બધુ ગમી ગયું હતું કે મેં પોતે જ ચેનલને ફોન કર્યુ હતો અને વિનંતી કરી હતી કે કંઇપણ કરીને મને અમૃતાનું પાત્ર આપજો, હું આ શો કરવા ખુબ જ ઉત્સુક છું. એ પછી મને આ પાત્ર મળ્યું હતું. મેં સાચ્ચે જ સામેથી ફોન કર્યો હતો. તેનું કારણ એટલુ જ છે કે અમૃતાનું પાત્ર મને દિલમાં વસી ગયું હતું. અમૃતાનું પાત્ર મારી અસલી જિંદગીમાં પણ એવું અસર કરી ગયું છે કે રીતસર હું એ પાત્રને જીવવા માંડી છું. અમૃતા મારી જિંદગીનું સોૈથી બેસ્ટ પાત્ર બની ગયું છે. ઇશાએ કારકિર્દીની શરૂઆત નાટકોથી કરી હતી. એ પછી અનેક ટીવી શો પણ કર્યા છે. પરંતુ જિંદગી મેરે ઘર આના શોનું પાત્ર તેને સોૈથી વધુ ગમ્યું છે. આ તેની પાંચમી સિરીયલ છે.