Gujarati News

Gujarati News

News of Monday, 27th July 2020

ઉરી પર આધારિત સિરીઝમાં અમિત આર્મી ઓફિસર

ઓટીટી પ્લેટફોર્મ પર લોકોને દરેક પ્રકારના શો, સિરીઝ અને ફિલ્મો મળી રહ્યા છે. સોની લિવના તાજેતરમાં રિલીઝ થયેલા શો અનદેખી, યારા અને ઓનરને સારો પ્રતિસાદ મળ્યો છે અને હવે ૩૧મી આ પ્લેટફોર્મ પર  અવરોધ-ધ સીઝ વિધિન નામની સિરીઝ રિલીઝ થઇ રહી છે. રાજ આચાર્ય નિર્દેશિત આ સિરીઝ સપ્ટેમ્બર ૨૦૧૬માં થયેલા ઉરી એટેક અને સર્જિકલ સ્ટ્રાઇક પર આધારિત છે. જેમાં અમિત સાધ, દર્શન કુમાર, મધુરિમા તુલી, નીરજ કાબી, વિક્રમ ગોખલે સહિતના કલાકારો છે. અમિત સાધ આ શોમાં એક આર્મી ઓફિસરના રોલમાં જોવા મળશે. અમેઝોન પ્રાઇમની સિરીઝ બ્રીધ માટે અમિત સાધના સતત વખાણ થઈ રહ્યાં છે ત્યારે હવે તે આર્મી ઓફિસરના રોલમાં જોવા મળશે. અમિત સાધ ઉપરાંત અભિનેતા દર્શન કુમાર આ સિરીઝમાં મેજર રોનક ગૌતમના રોલમાં, મધુરિમા તુલી  સિનિયર રિપોર્ટરના રોલમાં, નીરજ કાબી નેશનલ સિકયાઙ્ખરિટી એડ્વાઇઝર તરીકે અને વિક્રમ ગોખલે વડા પ્રધાનના રોલમાં જોવા મળશે. આ કલાકારો ઉપરાંત અનંત મહાદેવન અને પવૈલ ગુલાટી પણ મહત્ત્વનો રોલ કરવાના છે.

(9:30 am IST)
  • દેશમાં કોરોનાએ કાળોકેર વર્તાવ્યો : છેલ્લા 24 કલાકમાં નવા 48,931 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,36,018 કેસ થયા :4.84,053 એક્ટિવ કેસ :કુલ 9,18,734 દર્દીઓ રિકવર :વધુ 702 લોકોના મોત :મૃત્યુઆંક 32,810 થયો : મહારાષ્ટ્રમાં સૌથી વધુ 9431 કેસ : તામિલનાડુમાં નવા 6986 કેસ :દિલ્હીમાં વધુ 1075 કેસ : આંધ્રપ્રદેશમાં નવા 7627 કેસ: કર્ણાટકમાં નવા 5197 કેસ :ઉત્તર પ્રદેશમાં 3246 કેસ અને પશ્ચિમ બંગાળમાં વધુ 2341 કેસ :બિહારમાં 2605 નવા કેસ, રાજસ્થાનમાં 1132 કેસ અને આસામમાં 1142 નવા કેસ અને ઓરિસ્સામાં 1376 કેસ નોંધાયા access_time 12:43 am IST

  • દેવભૂમિ દ્વારકા જિલ્લામાં કોરોનાના વધુ છ કેસ પોઝીટીવ : દ્વારકા અને ભાણવડમાં ત્રણ-ત્રણ કેસ નોંધાયા : કુલ કેસની સંખ્યા 55 થઇ: આજે એક જ દિવસમાં છ માછીમારો સહીત 11 લોકોનો રિપોર્ટ પોઝિટિવ :લોકોમાં ભારે ફફડાટ : સાંજે ભાણવડના સઈ દેવરિયાની 9 વર્ષની બાળકી ,યુવતી અને વૃદ્ધાને કોરોના વળગ્યો : દ્વારકાના ઓખા અને ઓખાના આરંભડા ગામમાં ત્રણ પુરુષનો રિપોર્ટ પોઝિટિવ : બહારથી માછીમારી કરવા આવતા લોકોને ક્વોરેન્ટાઇન access_time 9:59 pm IST

  • મધ્યપ્રદેશના ચંદ્રનગર - પન્ના રોડ પાસે ભયંકર અકસ્માત : ૮ના મોત : ૩ મોટર સાયકલ અને કાર વચ્ચે ગમખ્વાર અકસ્માત access_time 5:31 pm IST