Gujarati News

Gujarati News

News of Monday, 27th May 2019

સોશિયલ મીડિયા પર આ ક્રિકેટરના નિધનના ખોટા સમાચાર આપી ટ્રોલ થયો અરશદ વારસી

મુંબઈ:સોશિયલ મીડિયા પર શ્રીલંકાના પૂર્વ કેપ્ટન અને વનડે ક્રિકેટમાં વિસ્ફોટક બલ્લેબાજ સનથ જયસૂર્યાના નિધનની નકલી ખબરો આગની જેમ ફેલાઈ હતી. આ તમામ વચ્ચે બોલીવુડ એક્ટર અરશદ વારસીએ પોતાના સોશિયલ મીડિયા એકાઉન્ટ પર ક્રિકેટરના નિધનના સમાચારને શેર કરી દીધા. આ ન્યુઝને શેર કરી વારસીએ તો સનથ જયસૂર્યાને શ્રદ્ધાંજલિ પાઠવી હતી. અરશદે લખ્યુ કે આ ખુબજ શોકિંગ અને દુખદ સમાચાર છે. આશ્ચર્યની વાત છે કે અરશદની સાથે સાથે તમામ પ્રશંસકો પણ આ સમાચારને લઈને પૂર્વ ક્રિકેટરને શ્રદ્ધાંજલિ આપી હતી. જ્યારે કેટલાક લોકો એ અરશદને કહ્યુ કે ભાઈ સાચવીને આ ક્રિકેટર હજુ જીવિત છે. જયસૂર્યાને શ્રદ્ધાંજલિ આપવાના કારણે અરશદને ટ્રોલ કરવામાં આવી રહ્યો છે. એક યૂઝરે લખ્યુ કે આ ખોટા સમાચાર છે સર. એક યૂઝરે ગુસ્સાવાળી ઈમોજી સાથે કમેન્ટ કરી હતી. પહેલા કન્ફર્મ કરી ત્યારબાદ પોસ્ટ કરો. એક યૂઝરે લખ્યુ કે ભાઈ મારા પહેલા સમાચારની ખરાઈ તો કરી લો. આ સમાચાર પહેલા જ જાહેર થઈ ચુક્યુ છે કે આ ખોટી માહિતી છે. વાસ્તવમાં કેનાડામાં એક કાર અકસ્માતમાં શ્રી લંકાના ક્રિકેટર જયસૂર્યાના નિધનના સમાચાર ઇન્ટરનેટ પર આગની જેમ ફેલાયા હતા. જો કે પાછળથી ખુદ જયસૂર્યાએ આ તમામ વાતોને અફવા ગણાવી હતી. જયસૂર્યાએ કહ્યુ કે હું એકદમ સાજો નરવો છું.

(5:31 pm IST)
  • શપથ ગ્રહણ કર્યા પહેલા મોદીએ કરી કાશીવિશ્વનાથની પૂજા-અર્ચનાઃ અમિતભાઇ શાહ અને યોગી આદિત્યનાથ પણ હાજર access_time 1:15 pm IST

  • સેન્સેકસ રપ૦થી વધુ પોઇન્ટ અપઃ નીફટી ૮૪ અપઃ રૂપિયો ૬૯.પ૯ ઉપર : શેરબજારમાં તેજીનો દોરઃ બપોરે ર-૧પ કલાકે સેન્સેકસ ર૭૭ પોઇન્ટ વધીને ૩૯૭૧૧ અને નીફટી ૮૪ પોઇન્ટ વધીને ૧૧૯ર૮: ડોલર સામે રૂપિયો ૬૯.પ૯ ઉપર ટ્રેડ કરે છે આજે મનપસંદ બેવરેજના શેરોમાં ર૦ ટકાની લોઅર સર્કિટ લાગી છે access_time 4:02 pm IST

  • દેખાવો સર્જાતા કાશ્મીરના નૌહટ્ટામાં પ્રતિબંધો લદાયા : શ્રીનગર : આતંકી કમાન્ડર ઝાકીર મુસા ઠાર મરાયા પછી બે દિવસ અશાંતિ રહેલ. આ પછી પ્રતિબંધો ઉઠાવી લેવાયેલ. દરમિયાન ફરી મોટાપાયે દેખાવો શરૂ થતાં શ્રીનગરના જૂના વિસ્તાર નૌહટ્ટામાં પ્રતિબંધો લદાયા છે. હાઈ સ્પીડ મોબાઈલ - ઈન્ટરનેટ સેવા સતત બંધ છે access_time 11:44 am IST