Gujarati News

મુંબઈ:  બોલિવૂડના કેટલાક કપલ્સ ચાહકોને કાયમ સ્ક્રીન પર જોવાનું પસંદ કરે છે, તો બીજી તરફ દર્શકો પણ બોલિવૂડ સેલેબ્સની અલગ-અલગ જોડીઓને ઓનસ્ક્રીન જોવા માંગે છે. ત્યારે ઘણા એવા કપલ્સ છે જેમણે ઓનસ્ક્રીન પોતાનો ચાર્મ ફેલાવ્યો છે પરંતુ લાંબા સમયથી સાથે જોવા મળ્યા નથી. આવી જ એક મહાન જોડી છે રિતિક રોશન અને કરીના કપૂર ખાન, જેને બોલિવૂડનો ગ્રીક ગોડ કહેવામાં આવે છે. લગભગ 19 વર્ષ પહેલા 'મૈં પ્રેમ કી દીવાની હૂં'થી દર્શકોના દિલ જીતનાર રિતિક-કરીનાની જોડી ફરી એકવાર સાથે જોવા મળી શકે છે. મીડિયા રિપોર્ટ્સ અનુસાર, રિતિક-કરીનાની આગામી ફિલ્મનું ટાઈટલ 'ઉલજ' છે. જો કે, હજુ સુધી બંને સેલેબ્સ ફિલ્મમાં કામ કરી રહ્યા હોવાના કન્ફર્મ રિપોર્ટ સામે આવ્યા નથી. એટલે કે મેકર્સ તરફથી અત્યાર સુધી માત્ર સેલેબ્સને જ ઓફર મળી છે અને આ જોડી સાથે જોવા મળશે કે નહીં તે બંને સેલેબ્સના નિર્ણય પર નિર્ભર છે.