Gujarati News

Gujarati News

News of Friday, 26th November 2021

મૂવી રિવ્યૂઃ છોરી

નુસરત ભરૂચાની ફિલ્મ 'છોરી' આજે ઓટીટી પ્લેટફોર્મ પર રિલીઝ થઈ છેઃ ફિલ્મમાં નુસરત પ્રેગ્નેન્ટ મહિલાના રોલમાં છેઃ આ ફિલ્મ ખાસ સંદેશ પણ આપે છે

મુંબઇ, તા.૨૬: સાક્ષી ૮ મહિનાની ગર્ભવતી છે અને હેમંત તેનો પતિ છે. બંને પોતાની જિંદગીમાં ખૂબ ખુશ છે. હેમંત બિઝનેસમેન છે અને તે દેવામાં ડૂબેલો છે. રૂપિયા ના ચૂકવી શકવાના કારણે તેને ધમકીઓ મળે છે. ડરના કારણે હેમંત અને સાક્ષી પોતાનું ઘર છોડીને એક અજાણ્યા સ્થળે રહેવા જતા રહે છે, જેથી તેઓ સુરક્ષિત રહી શકે અને રૂપિયાની વ્યવસ્થા કરવામાં થોડો સમય મળી રહે. બંને પોતાના ડ્રાઈવરના ગામમાં જાય છે. આ ગામમાં ભૂતોનો વાસ છે. ગામના ઈતિહાસમાં કેટલાય ભયાનક કિસ્સા દફન છે.

નુસરત ભરૂચાની શ્નહ્મટજીકલૃ હોરર ફિલ્મ છે. આ ફિલ્મ ડરાવે છે. સાથે જ એક અગત્યનો સંદેશ પણ આપે છે. કલાઈમેકસ આવતા સુધીમાં તો ફિલ્મ તમને વિચારવા મજબૂર કરી દેશે અને ડૂમો ભરાઈ જાય તેવી સ્થિતિમાં મૂકી દેશે. કન્યા ભ્રૂણ હત્યા અને ભ્રૂણ હત્યાની અમાનવીય પ્રથા પર ફિલ્મમાં મજબૂત પ્રહાર કરવામાં આવ્યો છે. છેલ્લા થોડા મહિનામાં ઓટીટી પ્લેટફોર્મ પર દ્યણી હોરર ફિલ્મો રિલીઝ થઈ છે, જેમાંથી દ્યણીએ દર્શકોને ડરાવ્યા છે. પરંતુ આ ફિલ્મ એવી વાર્તા લઈને આવી છે જે ડરાવે છે સાથે જ પ્રાસંગિક કહાની કહી જાય છે જે તમારા મનમાં ચોંટી જશે. ડાયરેકટર વિશાલ ફુરિયાએ એવા મુદ્દા પર વાત કરી છે જે જવલંત છે અને તેના પર ચર્ચા થવી જરૂરી છે. ફિલ્મના કલાકારોની એકિટંગ અસરકારક છે. સાથે જ હોરરની ફ્લેવર પણ જોવા મળે છે. શ્નહ્મટજીકલૃ એક એવી મનોરંજક ફિલ્મ છે જે આપણને આપણાં સમાજની ખામીઓ અંગે વિચારવા માટે મજબૂર કરે છે.

ફિલ્મની વાર્તાની ડિટેલ્સ અને તેમાં હોરરની વાત કરવાનો અર્થ થશે કે આગળ શું થવાનું છે તે કહી દેવું. એટલે જે જાણવું જરૂરી છે તે એ છે કે, એક પ્રેગ્નેન્ટ મહિલા છે, એક વેરાન દ્યર છે. બાળકો છે અને એક એવું ગામ છે જયાં ખૂબ ઓછા લોકો રહે છે. ફિલ્મમાં પાત્રો વધારે નથી એટલે પડદા પર વાર્તાને રોમાંચ અને ચોંકાવનારા સીન્સથી ભરી દેવાઈ છે. દર્શક તરીકે 'છોરી' તમને બાંધી રાખશે.

ફિલ્મના પ્લોટમાં એક ગામ છે. સેટઅપ સારું છે અને જોઈને એકદમ અસલી લાગે છે. ફિલ્મમાં કેમેરાની મૂવમેન્ટથી ડરામણા સીન ક્રિએટ કરવામાં આવ્યા છે. કયારેક તો તમને એવું લાગશે કે ફિલ્મમાં કેમેરા પણ એક પાત્ર છે. સિનેમેટોગ્રાફર અંશુલ ચોબેએ કેમેરા દ્વારા જબરદસ્ત કામ કર્યું છે. ખાસ કરીને કેમેરાને એક પાત્ર તરીકે દર્શાવીને દર્શકોમાં ડર અને ટેન્શન પેદા કરવાનું કામ બખૂબી કર્યું છે. ફિલ્મમાં દ્યણાં સીન એવા છે જે જોઈને ગુસ્સો અને દુઃખ અનુભવશો. આવો જ એક સીન છે જયાં સૂકાયેલા કૂવામાં દ્યણાં બાળકોના મૃતદેહ પડ્યા છે અથવા એ સીન જયાં ત્રણ મૃત બાળકો સુનેનીને કહે છે કે તેઓ તેના નવજાત બાળકોની સંભાળ રાખશે.

મીતા વશિષ્ઠ જેવી એકટ્રેસને પડદા પર જોઈને સારું લાગે છે. નવા જમાનાના ડાયરેકટરો આવા કલાકારોનું કાસ્ટિંગ કરે છે ત્યારે હૃદયને સ્પર્શી જાય છે. મીતા વશિષ્ઠ ૧૯૮૯થી ફિલ્મ ઈન્ડસ્ટ્રીનો ભાગ છે. તેમણે દ્રોહકાળ અને દ્રષ્ટિ અને કસબા જેવી ફિલ્મોમાં કામ કર્યું છે છતાં તમને એવું લાગશે તે ઈન્ડસ્ટ્રીએ તેમની સાથે ન્યાય કર્યો નથી. 'છોરી' તેમણે ભાનોદેવીના પાત્રમાં અદ્બૂત પર્ફોર્મન્સ આપ્યું છે. જરૂર પડે ત્યારે તેઓ પડદા પર ખરાબ દેખાય છે અને સીનના માગ પ્રમાણે કાળજી લેનાર વ્યકિતમાં પણ ઢળી જાય છે.

'છોરી' નુસરત ભરૂચાનું પાત્ર સાક્ષી કેંદ્રસ્થાને છે. ગર્ભવતી મહિલાના રોલમાં નુસરતે સારું અને આકર્ષક કામ કર્યું છે. એક સૂમસામ ગામમાં સંતાઈને પરિવાર અને પોતાના ગર્ભમાં રહેલા શિશુને પરેશાનીથી બચાવા અને તેની રક્ષા કરવા સંદ્યર્ષ કરતી માના પાત્રને નુસરતે સુંદર રીતે ભજવ્યું છે. નુસરતે પ્યાર કા પંચનામા'ની બોલિવુડમાં ડેબ્યૂ કર્યું હતું. છેલ્લા થોડા વર્ષોમાં તેણે અનેક ચેલેન્જિંગ રોલ કર્યા છે. 'છોરી' નુસરતના કરિયરની એવી ફિલ્મ છે જે એકટ્રેસ તરીકે તેણે ભજવેલી ભૂમિકાઓમાંથી સૌથી મુશ્કેલ છે. નુસરતે પોતાનું કામ ઈમાનદારીથી કર્યું છે.

હેમંતના પાત્રમાં સૌરભ ગોયલ સહજ લાગે છે પરંતુ સ્ક્રીનપ્લેમાં તેમના પાત્રને વધારે મોકો આપવામાં આવ્યો નથી. કાજલાના રોલમાં રાજેશ જૈસ પાસે મીતાની સરખામણીમાં ઓછો સ્ક્રીનટાઈમ છે પણ તેઓ છાપ છોડી જાય છે. વિશાલ ફુરિયાએ પોતાની મરાઠી ફિલ્મ લાપછાપીના હિન્દી રિમેક બનાવી છે. ઓરિજિનલ ફિલ્મની જેમ 'છોરી' ડરાવામાં સફળ થાય છે.

જોકે, એવું નથી કે ફિલ્મમાં ખામી નથી. હેમંતના પાત્રને વધુ સારી રીતે લખી શકાયું હોત. અડધી ફિલ્મ પૂરી થતાં થતાં તમે સમજી જશો કે તે કોણ છે. એક સીનમાં તેના પર હુમલો થયા પછી તે આખી ફિલ્મમાંથી ગાયબ થઈ જાય છે. ફિલ્મમાં ત્યારબાદ હેમંતની એન્ટ્રી કલાઈમેકસમાં થાય છે. રાજેશ જૈસના પાત્રને પણ વધુ સ્ક્રીન ટાઈમ મળવો જોઈતો હતો કારણકે તે પણ પાર્ટનર ઈન ક્રાઈમ છે.

ફિલ્મ સામાજિક દૂષણ કન્યા ભ્રૂણ હત્યા પર કેંદ્રિત છે. જોકે, ડાયરેકટરે કોઈ રાજયનું નામ નથી લીધું છતાં તમે સમજી જશો કે અહીં હરિયાણાની વાત કરવામાં આવી છે. એક એવું રાજય જયાં આ અમાનવીય પ્રથાનો રેકોર્ડ ખરાબ છે. 'છોરી' એવી ફિલ્મ છે જેમાં રોમાંચ છે, બિહામણી છે. ટૂંકમાં એવી ફિલ્મ છે જે હવાની લહેરખી તરીકે આવી છે અને તમને ડરાવીને જતી રહે છે.

(3:47 pm IST)