Gujarati News

થોડા દિવસ પહેલા જ એવા સમાચાર હતા કે તનુશ્રી દત્તા પોતાની બહેન ઈશિતા દત્તા સાથએ બિગ બૉસ 12માં જોવા મળશે. અત્યાર સુધી તો બિગબોસના ઘરમાં તેની એન્ટ્રી નથી થઈ. શક્ય છે કે તે વાઈલ્ડ કાર્ડ એન્ટ્રી લે. જો કે એક સ્ટેટમેન્ટ આપીને તનુશ્રી દત્તા ચર્ચામાં આવી ગઈ છે.

આશિક બનાયા આપને ફિલ્મથી ચર્ચામાં આવનાર એક્ટ્રેસ તનુશ્રી દત્તાએ ચોંકાવનારો ખુલાસો કરતા કહ્યું છે કે નાનાનો વ્યવહાર માત્ર તેની સાથે જ નહિં પરંતુ સેટ પર બીજી એક્ટ્રેસીસ સાથે પણ આવો જ હતો. લોકો આ અંગે વાત કરતા હતા પરંતુ ક્યારેય કોઈએ નાના સામે અવાજ ઊઠાવવાની હિંમત નહતી કરી.

ટીવી ચેનલ ઝૂમને આપેલા ઈન્ટરવ્યુમાં તનુશ્રીએ જણાવ્યું કે નાના પાટેકરે એક ફિલ્મના ગીતના શૂટિંગ દરમિયાન તેને ખોટી રીતે સ્પર્શવાની કોશિશ કરી હતી. તનુશ્રીએ આરોપ લગાવ્યો કે ઈન્ડસ્ટ્રીમાં મોટા ભાગના લોકો જાણે છે કે નાનાનો મહિલાઓ પ્રત્યે વ્યવહાર કેવો છે અને તે કેટલી ખરાબ રીતે મહિલાઓ સાથે વર્તન કરે છે.

તનુશ્રીએ જણાવ્યું કે લોકો નાનાની હરકતો અંગે અંદર અંદર ચર્ચા કરતા. તે એક્ટ્રેસ પર હાથ ઊઠાવતો અને તેમને ત્રાસ પણ આપતો. તનુશ્રીએ કહ્યું કે આખી ઈન્ડસ્ટ્રી જાણે છે કે મહિલાઓ સાથે નાનાનો વ્યવહાર કેવો છે પરંતુ કોઈ પબ્લિકેશને એ છાપવાની હિંમત નથી કરી.

2018ની એક ઘટના યાદ કરતા તનુશ્રીએ કહ્યું કે તેણે કોન્ટ્રેક્ટ અનુસાર હોર્ન ઓકે પ્લીઝ ફિલ્મમાં સોલો ડાન્સ કરવાનો હતો. પરંતુ શૂટના પ્રથમ જ દિવસથી નાનાએ તેની સાથે બદતમીજી શરૂ કરી દીધી હતી. નાનાના આવા વર્તન અંગે તનુશ્રીએ જ્યારે પ્રોડ્યુસર-ડિરેક્ટરને વા કરી ત્યારે તેમણે તનુશ્રીને નાનાની વાત માનવાની સલાહ આપી.