Gujarati News

મુંબઈ, તા. ૨૬ : ટેલેન્ટની કોઈ સીમા નથી હોતી. આવું જ કૈંક બોલિવુડ સેલેબ્સ સાથે પણ છે. આ સ્ટાર્સ માત્ર એક્ટિંગમાં જ અવ્વલ છે તેવું નથી પરંતુ હિડન ટેલેન્ટના પણ પાવરહાઉસ છે. અમે તમને એવા જ કેટલાક સ્ટાર્સ વિશે જણાવી રહ્યાં છીએ જેની હટકે ટેલેન્ટ તમને પણ પ્રેરણા આપશે.

આમિર ખાન

આમિર ખાનને બોલિવુડનો પર્ફેક્શનિસ્ટ કહેવામાં આવે છે. તે વર્ષ-બે વર્ષમાં એક ફિલ્મ કરે છે પરંતુ તેમાં એકદમ ખૂંપી જાય છે. જોકે, શું તમને એ ખબર છે કે તે ચેસ પણ ખૂબ જ સરસ રમે છે. હાં, તેણે ૫ વાર વર્લ્ડ ચેમ્પિયન રહી ચૂકેલા વિશ્વનાથન આનંદ સાથે મેચ રમીછે.

કેટરીના કૈફ

કેટરીના કૈફ એક્ટ્રેસ હોવા ઉપરાંત કથ્થક ડાન્સર પણ છે. જોકે, તે ગિટાર પણ વગાડી લે છે. તેણે ઈન્સ્ટાગ્રામ પર પોતાનો એક વિડીયો શૅર કર્યો હતો. જેમાં તે ગિટાર વગાડતી જોવા મળે છે.

બોમન ઈરાની

એ વાતમાં કોઈ જ શક નથી કે બોમન ઈરાની એક ઉત્તમ એક્ટર છે. જોકે, તે શાનદાર ફોટોગ્રાફી પણ કરી જાણે છે. તેણે પોતાના સોશિયલ મીડિયા એકાઉન્ટમાં કેટલીક તસવીરો એવી પણ શૅર કરી છે. જેનાથી ખબર પડે છે કે તે ફોટોગ્રાફીમાં પણ એક્સપર્ટ છે.

યામી ગૌતમ

યામી ગૌતમ એક ઉત્તમ એક્ટ્રેસ હોવાની સાથે જ ઈન્ટિરિયર ડિઝાઈનર પણ છે. તેણે ગોરેગાંવ સ્થિત ઘરને મેઈન્ટેન કર્યું છે. બોલિવુડમાં આવતા પહેલા તે ઈન્ટિરિયર ડિઝાઈનર બનવા ઈચ્છતી હતી પરંતુ તેના નસીબમાં કંઈક અલગ જ લખાયેલું હતું.

રણદીપ હુડ્ડા

ભારતમાં અન્ય રમતની જેમ પોલો ભલે ફેમસ ન હોય પરંતુ રણદીપ હુડ્ડા ખૂબ જ આગળ છે. એક્ટિંગ ઉપરાંત તે પોલો તો રમે જ છે અને તેની પાસે ૬ ઘોડા છે. હવે તેનાથી જ અંદાજો લગાવી શકાય છે કે તેને આ રમત કેટલી પસંદ છે. તેણે પોતાની પોલો ટીમનું નામ પણ રોયલ રુસ્ટર્સ જ રાખ્યું છે.

રણવીર સિંહ

ફિલ્મ્સમાં દમદાર પર્ફોર્મન્સથી રણવીર સિંહે લોકોના દિલમાં ખાસ જગ્યા બનાવી છે. જોકે, શબ્દોના મામલે તે ઉમ્દા વ્યક્તિ છે. આ કળા તેની પાસે નાનપણથી જ છે પરંતુ તમને જણાવી દઈએ કે તે એક મીડિયા સ્ટૂડન્ટ પણ રહી ચૂક્યો છે. બોલિવુડમાં આવતા પહેલા તેણે અનેક એજન્સીમાં કોપીરાઈટર તરીકે પણ કામ કર્યું છે.

વિદ્યા બાલન

વિદ્યા બાલને હંમેશા ફિલ્મ્સમાં પોતાના કેરેક્ટર દ્વારા ઓડિયન્સને ઈમ્પ્રેસ કરી છે. જોકે, તે કવિતાઓ પણ ખૂબ જ સરસ વાંચે છે. એક સારી નેરેટર હોવા ઉપરાંત તે મિમિક્રી પણ કમાલની કરે છે.

શાહિદ કપૂર

શાનદાર એક્ટર, ઉત્તમ પતિ અને બે બાળકોનો પિતા હોવા ઉપરાંત શાહિદ કપૂર અન્ય ફીલ્ડમાં પણ અમેઝિંગ ટેલેન્ટ ધરાવે છે. તે એક ગજબ ડાન્સર તો છે જ પરંતુ શાહિદ એક પ્રોફેશનલ ડીજે પણ છે. તે ફ્રી સમયમાં મ્યૂઝિક સાંભળવાનું પસંદ કરે છે.