Gujarati News

Gujarati News

ફિલ્મ જગત
News of Saturday, 26th May 2018

ફિલ્મ અભિનેતા ઇરફાન ખાન એકદમ સ્‍વસ્‍થઃ ટૂંક સમયમાં ઉધમસિંહના બાયોપિક ફિલ્મથી બોલિવુડમાં પરત ફરશે

મુંબઇઃ ફિલ્મ અભિનેતા ઇરફાન ખાનની તબિયત બગડ્યા બાદ હવે ટૂંક સમયમાં તે બોલિવુડમાં પરત ફરશે અને તે નવી ફિલ્‍મમાં જોવા મળશે.

બોલિવુડના ડાયરેક્ટર શૂજિત સરકારે આ વાતની જાણકારી આપી છે. શૂજિતે જણાવ્યું કે, ઈરફાન જલ્દી જ તેમના ડ્રીમ પ્રોજેક્ટથી બોલિવુડમાં પાછો ફરશે.

શૂજિત સરકારે એક ઈંટરવ્યૂમાં પુષ્ટિ કરી કે તેમની આવનારી બાયોપિકમાં ઈરફાન ખાન લીડ રોલમાં જોવા મળશે. આ પહેલા ઈરફાન શૂજિતને શાનદાર ફિલ્મ ‘પીકૂ’માં જોવા મળ્યો હતો. હવે એક્ટર ક્રાંતિકારી ઉધમ સિંહની બાયોપિકમાં જોવા મળશે. ઉધમ સિંહનું નામ ભારતની આઝાદીની લડાઈમાં પંજાબના ક્રાંતિકારીના રૂપે લખાયેલું છે. ઉધમ સિંહે જલિયાંવાલા બાગ કાંડ વખતે પંજાબના ગર્વનર રહેલા માઈકલ ઓ’ડ્વાયરને ગોળી મારી હતી.

આ ફિલ્મને શૂજિત સરકારનો સૌથી મોટો ડ્રીમ પ્રોજેક્ટ માનવામાં આવે છે. શૂજિતે એક ઈંટરવ્યૂમાં જણાવ્યું હતું કે, “હું આ ફિલ્મની વાર્તા પર છેલ્લા 18-19 વર્ષથી કામ કરું છું. હું જ્યારથી મુંબઈ શિફ્ટ થયો ત્યારથી આ ફિલ્મ બનાવવા માગતો હતો. પરંતુ વચ્ચે કંઈક ને કંઈક ચાલતું હોવાથી બનાવી ન શક્યો. આ ફિલ્મ આઝાદી પહેલાના બેકડ્રોપ પર આધારિત છે. માટે જ પ્લાનિંગ થોડું મુશ્કેલ રહ્યું.”

ઉધમ સિંહ પર બનનારી બાયોપિક અંગે શૂજિત સરકારે એમ પણ કહ્યું કે, ફિલ્મનું શૂટિંગ આ વર્ષના અંત સુધીમાં શરૂ થઈ શકે છે. જણાવી દઈએ કે છેલ્લા કેટલાક સમયથી એ ખબરો આવતી હતી કે શૂજિત સરકારની આ બાયોપિકમાં રણબીર કપૂરને કાસ્ટ કરાયો છે. પરંતુ એપ્રિલમાં શૂજિતે ફિલ્મ ઓક્ટોબરના પ્રમોશન દરમિયાન જ આ અફવાને રદિયો આપ્યો હતો.

(6:24 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત