Gujarati News

Gujarati News

News of Saturday, 26th May 2018

સારા અલી ખાનની ફિલ્મ 'કેદારનાથ' ફરી વિવાદમાં

મુંબઇ: સારા અલી ખાન કારકિર્દીની શરૃઆતમાં કાનૂન વિવાદમાં ફસાઇ ગઇ છે. તેણેઅભિષેક કપૂરની 'કેદારનાથ ફિલ્મ સાઇન કરી હતી. પરંતુ અભિષેક કપૂર અને પ્રેરણા અરોરા વચ્ચે વિવાદ થતાં ફિલ્મ લટકી ગઇ હતી. દરમિયાન સારાએ રોહિત શેટ્ટીની ફિલ્મ 'સિમ્બા સાઇન કરી લીધી.હવે સારા માટે ફિલ્મ માથાનો દુખાવો બની ગઇ છે. વાત એમ છે કે 'કેદારનાથ ફિલ્મના નિર્માતાએ તેને નોટિસ પાઠવીને વાંધો ઊઠાવ્યો છે કે સારાએ પોતાની સઘળી તારીખો તેની ફિલ્મને આપી હતી તો પછી તે અન્ય ફિલ્મ કઇ રીતે સાઇન કરી શકે. સારાએ કરારનો ભંગ કર્યો છે. સારાને ગયા મહિને કેદારનાથના શૂટિગ માટે મે મહિનાથી લઇ જુલાઇ સુધીનું કહેવામાં આવ્યું હતું. પરંતુ અભિનેત્રીના એજન્ટે તે અન્ય ફિલ્મમાં વ્યસ્ત હોવાથી શૂટિંગ શરૃ નહીં કરી શકે તેમ જમઆવ્યું હતું. પરિણામે નિર્માતા વિફર્યો હતો અને તેણે સારાએ કરારનું ઉલ્લંઘન કર્યાનું કહીને કમિટમેન્ટ પુરું કરવા અથવા તો રૃા. પાંચ કરોડનો દંડ ભરવાનું કહ્યું છે.
 

(4:05 pm IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • પાટણમાં એમબીબીએસના વિદ્યાર્થીએ આપઘાત કર્યો : ધારાપુર મેડીકલ કોલેજની હોસ્ટેલના ૧૦મા માળે ગળાફાંસો ખાઈ વિદ્યાર્થીએ આપઘાત કરી લેતા અરેરાટી access_time 7:07 pm IST

  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST