Gujarati News

Gujarati News

News of Saturday, 26th May 2018

ઈરફાન ખાનની તબિયતમાં સુધારો થયાની જાહેરાત કરી નિદેર્શક શૂજિત સરકારે

મુંબઈ:ટોચના ફિલ્મ સર્જક શૂજિત સરકારે જાહેર કર્યું હતું કે ટોચના અભિનેતા ઇરફાન ખાનની તબિયત ઘણી સુધારા પર છે. સારવારને સારો પ્રતિભાવ આપી રહી છે અને નજીકના ભવિષ્યમાં ઇરફાન ફરી કામ કરતો થઇ જશે. વર્ષના માર્ચમાં ઇરફાન વિશાલ ભારદ્વાજની સપના દીદીનું શૂટિંગ શરૃ કરવાનો હતો. દરમિયાન, એની તબિયત અચાનક બગડી હતી અને સ્થાનિક ડૉક્ટરે પહેલા કમળાનું નિદાન કર્યું હતું. પરંતુ કમળાની સારવારનું કોઇ પોઝિટિવ પરિણામ દેખાતાં ઇરફાને વધુ મેડિકલ ટેસ્ટ કરાવ્યા હતા ત્યારે એવું નિદાન થયું હતું કે એના મગજમાં કેન્સરની ગાંઠ છે. એને ન્યૂરો એન્ડોક્રાઇન ટયુમર તરીકે ઓળખાવાઇ હતી. એણે તરત વિદેશ જઇને સારવાર કરાવવાની જાહેરાત કરી હતી. એટલે વિશાલે સપના દીદી ફ્લોર પર જાય પહેલાં અટકાવી દીધી હતી. હવે ઇરફાનની તબિયત સારી છે એવું એના દોસ્ત અને ટોચના ફિલ્મ સર્જક શૂજિત સરકારે જાહેર કર્યું હતું. એણે કહ્યું કે ઇરફાન સારવારને અનુકૂળ પ્રતિસાદ આપી રહ્યો છે અને બહુ  ઝડપથી સાજો થઇને આવી જશે. ઊધમ સિંહની બાયો-ફિલ્મ કરી શકશે.
 

(4:03 pm IST)
  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST