Gujarati News

Gujarati News

News of Saturday, 26th May 2018

કોઈ પણ નવોદિત કલાકર માટે રજનીકાંત પ્રેરણસ્વરૂપ છે: હુમા કુરૈસી

મુંબઇ:  હોનહાર અભિનેત્રી હુમા કુરૈશીએ કહ્યું હતું કે સાઉથના ભગવાન રજનીકાંત કોઇ પણ નવોદિત કલાકાર માટે પ્રેરણારૃપ છે. એમની સાથે કામ કરતાં ઘણું નવું શીખવા મળે છે. હુમાએ રજનીકાંત સાથે કાલા ફિલ્મ કરી છે જે રજૂઆતને આરે છે. હુમાએ કહ્યું, 'અફલાતુન અભિનેતા હોવા ઉપરાંત અત્યંત સાલસ સ્વભાવના ઇન્સાન છે. દરેકની સાથે પ્રેમથી વર્તે છે. મારા જેવા દરેક નવોદિત માટે પ્રેરણારૃપ છે. એમની સાથે કામ કરવાનું મારું સ્વપ્ન સાકાર થયું. કાલા ફિલ્મ મારા માટે સદા યાદ રાખવા જેવો અનુભવ બની રહ્યો. રજનીસર સાથે કામ કરતાં પ્રત્યેક પળે મને કંઇક નવું શીખવા મળ્યું. મારા અભિનયમાં સુધારો થયો એવું પણ રજનીસરે કહ્યું' એમ હુમાએ કહ્યું હતું. જો કે એણે કાલાના ડાયરેક્ટર પા રંજિતના પણ ખૂબ વખાણ કર્યા હતા. એણે કહ્યું કે કલાકારની બેસ્ટ પ્રતિભા કઢાવવાની રંજિત સર પાસે હથોટી છે. તમારામાં રહેલી પ્રતિભાને સહેલાઇથી બહાર કાઢી શકે છે. હીરોઇનનો રોલ સ્ટ્રોન્ગ બનાવવાની તેમની ખૂબી નોંધનીય છે. મને એમની પાસે પણ ઘણું નવું શીખવા મળ્યું. ફિલ્મમાં હુમા ઝરીના નામની યુવતીનો રોલ કરે છે. મુંબઇમાં તમિળ લોકો પર થતા અત્યાચારોની વાત ફિલ્મની કથામાં વણી લેવામાં આવી છે. રજનીકાંતના જમાઇ અભિનેતા ધનુષ ફિલ્મના પ્રોડયુસર છે અને જૂનની સાતમીએ ફિલ્મ રજૂ કરવાની તેમની યોજના છે.

(4:02 pm IST)
  • ઓરિસ્સાના રાજ્યપાલ બન્યા હરિયાણાના પૂર્વ મંત્રી પ્રો,ગણેશીલાલ :વર્ષ 2007થી 2010 સુધી પાર્ટીએ તેઓને ઝારખંડના સહપ્રભારી બનાવ્યા હતા access_time 1:18 am IST

  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST

  • અમરેલી જિલ્લાના ઢાઢાનેશ વિસ્તારમાં વન કર્મચારી ઉપર સિંહનો હુમલોઃ ચાંચઇપાણીયા રેન્જ વિસ્તારમાં બિમાર સિંહની તપાસ કરવા જતાં સિંહ હુમલો કરીને નાસી છુટ્યોઃ ઇજાગ્રસ્ત વન કર્મચારી સારવારમાં access_time 2:32 pm IST