Gujarati News

Gujarati News

News of Friday, 26th April 2019

દે દે પ્યાર દે નું નવુ ગીત હાઉલી… હાઉલી… રિલીઝઃ રકુલ પ્રિત સિંહના જબરદસ્ત લટકા-ઝટકા

નવી દિલ્હી : બોલિવૂડ એક્ટર અજય દેવગન, તબ્બુ અને રકુલ પ્રીત સિંહની કોમેડી ફિલ્મ દે દે પ્યાર દેનું નવું ગીત રિલીઝ થઈ ગયું છે. મસ્તીભર્યા ગીત હાઉલી હાઉલીમાં રકુલ પ્રીત સિંહના જબરદસ્ત લટકા ઝટકા જોવા મળી રહ્યા છે. ગીતમાં તબ્બુએ પણ ડાન્સ કર્યો છે અને તેના સ્ટેપ પણ અફલાતુન છે.

ગીતની વાત કરીએ તો એને અવાજ આપ્યો છે ગેરી સંધુ અને નેહા કક્કડે. ગીતનું મ્યુઝિક તનિષ્ક બાગચીએ આપ્યું છે તેમજ એના શબ્દો કુમારે લખ્યા છે. ગીત ટી સિરીઝ કંપનીના લેબલે લોન્ચ કર્યું છે. એક પંજાબી સોન્ગ છે અને એના વીડિયોમાં જબરદસ્ત મસ્તીનો માહોલ છે. રકુલ પ્રીત સિંહ સમગ્ર ગીતમાં મારક અદાઓ કરતી જોવા મળે છે અને તેનો અંદાજ અજય દેવગનને તેનો પ્રેમી બનાવે છે.

ગીતને હજી સુધી 76,426 કરતા વધારે વાર જોવાયું છે. ગીતના વીડિયોમાં અજય દેવગન, તબ્બુ અને રકુલ પ્રીત સિંહ વચ્ચે ગજબની કેમિસ્ટ્રી જોવા મળી રહી છે. ફિલ્મમાં અજય દેવગન અને રકુલ પ્રીત સિંહ પહેલીવાર સાથે કામ કરી રહ્યા છે. ફિલ્મમાં તબ્બુ પણ મહત્વના રોલમાં જોવા મળશે. ફિલ્મ આવતા મહિને 17 મેના દિવસે રિલીઝ થશે. ફિલ્મમાં તબ્બુ સાથે એક વખત પરણી ચુકેલા અજય દેવગનનો તેનાથી બહુ નાની વયની રકુલ પ્રીત સિંહ સાથેનો રોમેન્સ દેખાડવામાં આવ્યો છે.

(4:52 pm IST)
  • રાજકોટના તમામ ATM બંધ થયા : એસબીઆઇમાં ઓફલાઇન બતાવે છેઃ ઇન્ટરનેટ કનેકટ થતું ન હોય અથવા સર્વરમાં વાંધો સર્જાયાનું મનાય છે. access_time 4:07 pm IST

  • ચોકીદારને પ્રસ્તાવક બનાવીને મોદીએ ભર્યું ઉમેદવારીપત્રક : લોકસભા ચૂંટણી ૨૦૧૯ના મહાસંગ્રામમાં વારાણસી સીટ પર દેશભરની નજર અટકેલી હતી. વડાપ્રધાન નરેન્દ્ર મોદીએ આજે વારાણસી લોકસભા સીટ પર નોમિનેશનના પાંચમાં દિવસે કલેકટર ઓફિસમાં ફોર્મ ભર્યું. કલેકટર રૂમમાં દાખલ થવાની સાથે જ તેઓએ દરેક પ્રસ્તાવકો સાથે મુલાકાત કરી આ દરમિયાન તેઓએ કાશીના કોતવાલ (કાળ ભૈરવ)ના પણ દર્શન કર્યા ત્યાં રાષ્ટ્રીય જનતાંત્રિક ગઠબંધન એનડીએના દિગ્ગજ નેતાઓનો જાણે મેળો ભરાયો હોય તેવું દ્રશ્ય હતું. access_time 3:04 pm IST

  • દુષ્કર્મ કેસમાં આસારામ પુત્ર નારાયણ સાંઈ દોષિત જાહેર : ૩૦મીએ સજાનુ એલાન થશે : સુરતની કોર્ટે સંભળાવ્યો ચુકાદો access_time 1:22 pm IST