Gujarati News

Gujarati News

News of Friday, 26th April 2019

પ્રકાશની 'પરિક્ષા' પુરીઃ ઉનાળા પછી થશે રિલીઝ

નોખી અનોખી ફિલ્મો બનાવવા માટે પ્રકાશ ઝા જાણીતા છે. હવે તેણે 'પરિક્ષા' નામની ફિલ્મ બનાવી છે, જે ઉનાળા પછી રિલીઝ થવાની છે. ફિલ્મની કહાની ખુબ જ દિલચશ્પ છે. પ્રકાશના કહેવા મુજબ પરિક્ષાની થીમ સારી શિક્ષા સોૈથી મોટી સામાજીક બરાબરી છે તેની વાત કરશે. એક ઓટોરિક્ષાનો ચાલક દરરોજ સવારે પૈસાદાર પરિવારોના બાળકોને શાળાએ મુકવા-તેડવા જાય છે. તેના મનમાં પણ પોતાના બાળકોને આવી સારી શાળામાં ભણાવવાની ઇચ્છા જાગે છે. તેનું આ સપનુ પુરૂ થાય છે કે કેમ? તે આ સપનુ પુરૂ કરવા શું કરે છે? તેની વાત ફિલ્મમાં છે. ફિલ્મનું શુટીંગ પુરૂ થઇ ગયું છે અને પહેલુ પોસ્ટર રિલીઝ કરી દેવામાં આવ્યું છે. ફિલ્મમાં આદિલ હુશેન, પ્રિયંકા બોઝ, સંજય સૂરી અને શુભમ ઝાની મુખ્ય ભૂમિકા છે. પ્રકાશે આગળ કહ્યું હતું કે હું ભાગ્યશાળી છું કે મને આ ફિલ્મ માટે યોગ્ય ટીમ અને ખુબ સારા ટેકનીશીયન મળ્યા. પ્રકાશે મૃત્યુદંડ, ગંગાજલ, અપહરણ, રાજનીતિ, આરક્ષણ, સત્યાગ્રહ સહિતની ફિલ્મો બનાવી છે અને નેશનલ  ફિલ્મ એવોર્ડ પણ મેળવ્યા છે. અજય દેવગણ સાથે તેણે ઘણી હિટ ફિલ્મો આપી છે.

(9:51 am IST)
  • મનોહર પરિકરની ગોવાના પણજી બેઠક પરથી પુત્ર ઉત્‍પલ પરિકર ચૂંટણી લડશે access_time 4:37 pm IST

  • મની લોન્ડરિંગ મામલે ઇડીએ હરિયાણાના પૂર્વ મુખ્યમંત્રી ઓમપ્રકાશ ચૌટાલા વિરુદ્ધ પૂરક ચાર્જશીટ દાખલ કરી :એડીએ આરોપમાં ઉલ્લેખ કર્યો છે કે દિલ્હી,પંચકુલા અને સિરસામાં ચાર સંપત્તિઓ વિષે 3, 68 કરોડ ની અસ્થાયી સંપત્તિ અને ચૌટાલા અને તેના પરિવાર જનોના બેન્ક ખાતામાં ગેરકાયદે રોકડ જમા કરીને આવકથી વધુ સંપત્તિને કાયદેસર બનાવી access_time 1:05 am IST

  • ચોથા તબક્કાની ચૂંટણી માટે પ્રચારનો છેલ્લો દિવસ :નવ રાજ્યોની 71 બેઠકો પર સાંજથી પ્રચાર પડઘમ બંધ :29મીએ થશે મતદાન ;મહારાષ્ટ્ર્ની 17, ઉત્તર પ્રદેશની 13, રાજસ્થાનની 13, મધ્યપ્રદેશની 6, પશ્ચિમ બંગાળની 8, બિહારની 5, જમ્મુ કાશ્મીરની એક,અને ઝારખંડની 3 સીટ માટે થશે મતદાન access_time 1:06 am IST