Gujarati News

Gujarati News

News of Monday, 25th June 2018

રૂપેરી પડદે સુપરહીરો તરીકે જોવા મળશે વરુણ ધવન

મુંબઇ:સુપર હીરો તરીકે હૃતિક રોશન સફળ હીરો ગણાયો છે. જોકે હવે આ યાદીમાં વરુણ ધવનનું નામ પણ સામેલ થઇ જશે. તે કરણ જોહરની આગામી ફિલ્મમાં સુપર હીરોનું પાત્ર ભજવતો જોવા મળશે.
બોલીવૂડની ગપસપને સાચી માનીએ તો કરણ જોહર પ્રોડકશન જલદી જ વરુણ ધવન સાથે એક સુપર હીરો ફિલ્મ બનાવાની યોજના કરી રહ્યું છે. આ ફિલ્મનો દિગ્દર્શક પણ કરણના દિગ્દર્શકોમાંનો જ એક હશે. વરુણ અને કરણની ટીમે એક લાંબી મુલાકાત કરી હતી જેમાં વરુણને ફિલ્મના આઇડિયા સમજાવ્યા હતા જે વરુણને પસંદ પડયા છે. જોકે હજી આ બાબતે બન્ને પક્ષે અંતિમ નિર્ણય લીધો નથી.

(6:30 pm IST)
  • તેલંગાણાના મુખ્યમંત્રી કે.ચંદ્રશેખર રાવે રવિવારે કહ્યું કે, તેઓ સમય પહેલા ચૂંટણીમાટે તૈયાર છે અને તેમણે વિપક્ષને પણ તે માટે તૈયાર રહેવાનો પડકાર ફેંક્યો હતો. તેલંગાણા રાષ્ટ્ર સમિતી (ટીઆરએસ)નાં પ્રમુખે કહ્યું કે, ચૂંટણી સમય પહેલા કરાવવામાં આવી શકે છે. રાવે 15 જુને વડાપ્રધાન મોદી સાથે મુલાકાત કરી હતી. રાવે કહ્યું કે, તેમની પાર્ટીનાં નેતા અને જનતા પણ સમય પહેલા ચૂંટણી માટે તૈયાર છે. તેમણે વિશ્વાસ વ્યક્ત કર્યો કે ટીઆરએસ 119 સભ્યોની વિધાનસભામાં 100થી વધારે સીટો જીતશે. access_time 12:44 am IST

  • ત્રિપલ તલ્લાક મુદ્દે સરકારે માંગ્યો સોનિયા ગાંધી,મમતા બેનર્જી અને માયાવતીનો સહકાર : મહિલાઓનાં વિકાસ માટે થતા કામમાં રાજનીતિ ન થવી જોઇએ, તમામ રાજનીતિક મહિલાઓ આગળ આવે :કેન્દ્રીય કાયદા મંત્રી રવિશંકાર પ્રસાદે કહ્યું કે, આ સવાલ ના રાજનીતિનો છે, ના પુજાનો છે અને ન ધર્મનો. આ સવાલ છે ન્યાય, નારી સન્માન અને નારી ગરિમાનો છે. access_time 1:09 am IST

  • દક્ષિણ ગુજરાત બાદ વડોદરામાં પણ વરસાદે બઘળાટી બોલાવી : બપોરે અચાનક જ વડોદરામાં ધોધમાર વરસાદ શરુ થયો : આ સાથે ગુજરાતમાં સત્તાવાર રીતે ચોમાસું બેસી ચૂક્યું છે, અને રવિવાર રાતથી જ રાજ્યના મોટાભાગના વિસ્તારોમાં વરસાદ વરસી રહ્યો છે. access_time 4:29 pm IST