Gujarati News

Gujarati News

News of Monday, 25th May 2020

'ધક ધમ ગર્લ'ના અવાજના દિવાના થયા બોલિવુડ સેલેબ્સ

લોકડાઉનમાં માધુરી દીક્ષિતે કર્યું સિંગિગ ડેબ્યુ

મુંબઈ, તા. ૨૫: માધુરી દીક્ષિત ટેલેન્ટેડ એક્ટ્રેસ, શ્રેષ્ઠ ડાન્સર હોવાની સાથે લાજવાબ સિંગર પણ છે.હાલમાં જ માધુરી દીક્ષિતે 'કેન્ડલ' સોન્ગ સાથે સિંગિંગ ડેબ્યુ કર્યું છે. માધુરી દીક્ષિતનું આ ગીત સાંભળીને તમે તેના અવાજના પણ ચાહક બની જશો. આલિયા ભટ્ટ, અનિલ કપૂર સહિતના સેલેબ્સે માધુરીની સોન્ગના વખાણ કર્યા છે.

માધુરી દીક્ષિતે હાલમાં જ પોતાના સાશેયિલ મીડિયા અકાઉન્ટ પર પોતાનું પહેલું સિંગલ સોન્ગ લોન્ચ કર્યું છે. માધુરીએ જણાવ્યું 'કેન્ડલ' ગીત પોઝિટીવિટી અને આશાનું કિરણ જગાવે છે. આજની આ પરિસ્થિતિમાં સૌને હકારાત્મકતાની ખૂબ જરૂર છે. માધુરીએ ગીત શેર કરતાં લખ્યું, 'ખુશ, ઉત્સાહિત અને થોડી નર્વસ છું. મારું પહેલવહેલું ગીત. આશા છે કે, અમને બનાવવામાં જેટલી મજા આવી તેટલી સાંભળીને તમને આવશે.'

માધુરીએ આ સોન્ગ રિલીઝ કરતાં જ સેલેબ્સ તેના અવાજના ફેન બન્યા હતાં. ફિલ્મમેકર ફરાહ ખાને માધુરીની પોસ્ટ પર કોમેન્ટ કરીને એક્ટ્રેસના ટેલેન્ટના વખાણ કર્યા હતાં. ફરાહ ખાને લખ્યું, 'મેડ્સ આ ખૂબ સુંદર છે ! અત્યાર સુધી તે આ ટેલેન્ટ કેમ છુપાવી રાખ્યું હતું ?'

લોકડાઉનમાં માધુરીએ રિલીઝ કરેલા ગીતની ફેન આલિયા ભટ્ટ પણ બની છે. ેઆલિયાએ ટ્વિટ કરીને લખ્યું, 'આ સુંદર ગીત ખૂબ પસંદ આવ્યું. જો તમે ના સાંભળ્યું હોય તો હમણાં જ સાંભળો.' અનિલ કપૂરે પણ માધુરીના ગીતના વખાણ કર્યા છે. અનિલ કપૂરે લખ્યું, 'ખૂબસુરત સંદેશ અને ગીત.'

(3:00 pm IST)
  • આ મહિનાના અંત સુધીમાં કેરળમાં ચોમાસુ વેલસેટઃ કેરળમાં આ મહિનાના અંત સુધીમાં ચોમાસુ બરાબર જામી જશે : જયારે મુંબઈમાં ૮ થી ૧૦ જૂન વચ્ચે આગમન થઈ જશે access_time 11:30 am IST

  • ભારતમાં કોરોનાએ હાહાકાર મચાવ્યો : સંક્રમિતની સંખ્યામાં એકધારો વધારો : છેલ્લા 24 કલાકમાં 7111 કેસ વધ્યા : રાત્રે 11-30 વાગ્યા સુધીમાં દેશમાં કોરોનાના નવા 1, 38,536 કેસ નોંધાયા : 76,381 એક્ટિવ કેસ : 57,692 દર્દીઓ રિકવર થયા ; વધુ 156 લોકોના મોત સાથે કુલ મૃત્યુઆંક 4024 થયો :મહારાષ્ટ્રમાં સૌથી વધુ નવા 3041 કેસ અને તામિલનાડુમાં નવા 765 કેસ વધ્યા :દિલ્હીમાં 508 નવા કેસ નોંધાયા access_time 12:34 am IST

  • જામનગર જીલ્લામા વધુ બે કેસ કોરોના પોઝિટિવ નોંધાયા :કાલાવડ શહેરના શિતલા કોલોની વિસ્તારમાં રહેતા દંપતિનો રીપોર્ટ કોરોના પોઝીટીવ.:36 વર્ષીય મહિલા અને 38 વર્ષીય પુરુષનો કોરોના રીપોર્ટ પોઝીટીવ આવતા જીજી હોસ્પીટલમાં દાખલ કરાયા : બન્ને વ્યક્તિ અમદાવાદથી જીલ્લામા આવ્યા હતા : જીલ્લામા કુલ 49 કોરોના કેસ નોંધાયા:જી.જી.હોસ્પિટલ કોરોનાના કુલ 14 દર્દીઓ સારવાર હેઠળ access_time 9:42 pm IST