Gujarati News

Gujarati News

News of Friday, 25th May 2018

વડાપ્રધાન મોદી બાદ અનુષ્કાએ પણ સ્વીકારી વિરાટની #FitnessChallenge ચેલેન્જ : સોશ્યલ મીડિયા પર પોસ્ટ કર્યો કસરતનો વિડીયો : જુવો વિડીયો

બોલિવુડ એક્ટ્રેસ અનુષ્કા શર્માએ વિરાટ કોહલીએ આપેલી ફિટનેસ ચેલેન્જ એક્સેપ્ટ કરી છે. આ ચેલેંજને સ્વીકાર કરતો વીડિયો અનુષ્કાએ પોતાના ટ્વીટર હેંડલ પર શેર કર્યો છે. અનુષ્કાએ લખ્યું કે, “હું તારી ફિટનેસ ચેલેંજ એક્સેપ્ટ કરું છું અને હવે હું મારું મનગમતું વર્કઆઉટ કરીશ. આશા છે કે તમે ટ્રાય કરશો.”

વિરાટ કોહલીએ બુધવારે કેંદ્રીય મંત્રી રાજ્યવર્ધન સિંહ રાઠોડની ફિટનેસ ચેલેન્જ એક્સેપ્ટ કરી હતી અને પોતાનો વર્કઆઉટ વીડિયો શેર કર્યો હતો. વીડિયોના કેપ્શન પર વિરાટે લખ્યું કે, “હું રાજ્યવર્ધન સરની ફિટનેસ ચેલેન્જ એક્સેપ્ટ કરું છું અને હું મારી પત્ની અનુષ્કા, પ્રધાનમંત્રી મોદી અને ધોની ભાઈને ચેલેંજ કરું છું.”

જણાવી દઈએ કે ફિટનેસ ચેલેન્જની શરૂઆત રાજ્યવર્ધન સિંહે પોતાના ટ્વિટર હેંડલ પર એક વર્કઆઉટ વીડિયો શેર કરીને કરી હતી. આ ચેલેંજ હેઠળ કામ કરતાં કરતાં પોતાને ફિટ રાખીને સામેવાળાને ચેલેંજ કરવાની હોય છે. અને જે પણ આ ચેલેંજ એક્સેપ્ટ કરે છે તે બીજાને પણ આ જ ચેલેંજ આપે છે.

અનુષ્કાએ હવે આ ચેલેન્જ વરુણ ધવન, સ્ક્વોશ ખેલાડી દીપિકા પલ્લીકલને આપી છે. વિરાટે પ્રધાનમંત્રી મોદી અને ધોનીને ચેલેન્જ આપી છે. PMએ ચેલેન્જ સ્વીકારી છે પણ હજુ કોઈ વીડિયો સામે નથી આવ્યો.

(5:01 pm IST)
  • મણિપુર અને પાંચ કેન્દ્ર શાસિત રાજ્યોમાં ઈ-વે બિલ પ્રણાલી લાગુ :રાજ્યમાં 50 હજાર રૂપિયાથી વધુના સામાનના પરિવહન માટે ઈ-વે બિલ જરૂરી બનશે :હવે રાજ્યની અંદર વસ્તુઓની હેરફેર માટે ઈ-વે બિલ પ્રણાલી 27 રાજ્યો સહીત કેન્દ્ર શાસિત પ્રદેશમાં લાગુ થઇ ગઈ છે :શુક્રવારે જે રાજ્યોમાં આ પ્રણાલી લાગુ કરાઈ તેમાં ચંદીગઢ,આંદામાન અને નિકોબાર દ્વીપ સમૂહ। દાદરાનગર હવેલી।દમણ અને દીવ અને લક્ષદ્વીપ સામેલ છે access_time 1:24 am IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST