Gujarati News

Gujarati News

News of Monday, 25th March 2019

અેસિડ અેટેક સર્વાઇવરનો રોલ કરતી દિપીકા પાદુકોણનો છપાક ફિલ્મનો લુક જાહેર

નવી દિલ્હી : હાલમાં દીપિકા પાદુકોણની ફિલ્મ 'છપાક'નો તેનો લુક જાહેર થયો છે. આ ફિલ્મમાં દીપિકા એસિડ એટેક સર્વાઇવરનો રોલ કરી રહી છે. દીપિકાની આ ફિલ્મ લક્ષ્મી અગ્રવાલ નામની સર્વાઇવરની રિયલ લાઇફ સ્ટોરી પર આધારિત છે. ફિલ્મનું ડિરેક્શન ‘રાઝી’ ફેમ મેઘના ગુલઝાર કરી રહ્યા છે, જેઓ હંમેશા એક નવા વિષય પર ફિલ્મ બનાવવા માટે જાણીતા છે. છપાક ફિલ્મ ફોક્સ સ્ટાર સ્ટુડિયો,કેએ એન્ટરટેઈનમેન્ટ અને મ્રિગાના બેનર હેઠળ પ્રોડ્યુસ થઈ રહી છે. દીપિકા પણ આ ફિલ્મના પ્રોડ્યુસરની જવાબદારી નિભાવી રહી છે.

‘છપાક’ ફિલ્મમાં દીપિકા પાદુકોણ કેવો હશે તેને લઈને લોકોને આતુરતા હતી. જો કે હવે આ આતુરતાનો અંત આવ્યો છે. રવિવારના રોજ ન્યૂ દિલ્હીમાં ફિલ્મમાં દીપિકાનો ફર્સ્ટ લુક લોન્ચ કરાયો છે.

લક્ષ્મી અગ્રવાલ પર જ્યારે 2005માં એસિડ એટેક થયો હતો ત્યારે તે માત્ર 15 વર્ષની હતી. લક્ષ્મીના પરિવારના પરિચીત એવા 32 વર્ષના યુવાને લક્ષ્મીના ઇનકારનો બદલો લેવા માટે તેના પર આ એટેક કર્યો હતો.

આ ફિલ્મ પદ્માવત પછી દીપિકાની પહેલી રિલીઝ હશે. આ ફિલ્મમાં દીપિકા એસિડ અટેકનો ભોગ બનેલી યુવતી લક્ષ્મી અગ્રવાલનો રોલ કરતી જોવા મળશે, આ ફિલ્મમાં તેની ઓપોઝિટમાં એક્ટર વિક્રાંત મેસી છે. જ્યારે આ ફિલ્મ અંગે જાહેરાત કરવામાં આવી ત્યારથી જ લોકોમાં ફિલ્મના કન્ટેન્ટ અને દીપિકાના લુકને લઈને ઉત્સુકતા હતી.

(5:12 pm IST)
  • નીતિ આયોગના ઉપાધ્યક્ષએ કહ્યું રાહુલ ગાંધીની યોજના ચાંદને જમીન પર લાવવા જેવી :રાહુલ ગાંધીએ કહ્યું હતું કે કોંગ્રેસ સતામાં આવશે તો દેશના સૌથી ગરીબ 20 ટકા પરિવારોને વાર્ષિક 72,000 રૂપિયા લઘુતમ આવક ઉપલબ્ધ કરાવશું :નીતિ આયોગના ઉપાધ્યક્ષ રજઇવકુમારે આ યોજના પર સવાલ ઉઠાવ્યા હતા access_time 12:15 am IST

  • જેટ એરવેઝના ચેરમેન નરેશ ગોયલે આપ્યું રાજીનામુઃ એરલાઇન્સને બચાવવા પગલું: ૮૦૦૦ કરોડનું દેવુ છે કંપની ઉપર access_time 3:32 pm IST

  • અમેરિકન રાજકારણમાં જબરી હલચલ : અમેરિકન પ્રેસિડેન્ટના 2016ના રાષ્ટ્રપતી ચૂંટણી દરમિયાન રાષ્ટ્રપતિ ડોનાલ્ડ ટ્રમ્પના ચૂંટણીપ્રચારમાં રશિયા સાથે કોઈ જ કાવતરુ કરવામાં આવ્યું ન હતું : રોબર્ટ મુલેરના રિપોર્ટમાં આ જાહેર થયું છે. access_time 2:50 am IST