Gujarati News

Gujarati News

News of Monday, 25th January 2021

વર્ષો પછી યશ ટોંક ફરી ટીવી પરદે

સોની ટીવી પર વધુ એક નવો શો 'કયોં ઉત્થે દિલ છોડ આયે' આવીર હ્યો છે. આ શોમાં જાણીતો કલાકાર યશ ટોંક ખાસ ભુમિકા નિભાવી રહ્યો છે. ખુબ લાંબા સમય પછી તે ટીવી પરદે પાછો આવ્યો છે. શોમાં તે વિજ કિશોર સહાની નામનું પાત્ર ભજવી રહ્યો છે. યશે કહ્યું હતું કે આ પાત્ર ખુબ અલગ છે. આ એવું પાત્ર છે જે પોતાની પત્નિના મોત પાછળ કયાંક ને કયાંક પુત્રને જવાબદાર ગણે છે. પત્નિને પોતે ખુબ પ્રેમ કરતો હતો. એ દૂર્ઘટનામાં તેણે પોતાનો હાથ પણ ગુમાવ્યો હોય છે. યુવાન દિકરાને પિતા સાથે મનમેળ થતો નથી. પિતાની ઇચ્છા હોય છે કે પુત્ર મોટો વેપારી બને. પરંતુ બંને વચ્ચે બધુ ઠીક હોતું નથી. લાંબા સમય પછી મને આવું પડકારજનક પાત્ર ઓફર થતાં જ મેં હા કહી દીધી હતી. આ શોમાં ૧૯૪૭નો સમયકાળ દેખાડવામાં આવશે. આ કારણે આ શો બનાવવો પણ મુશ્કેલ હતો. ટીવી પરદે આવો કોઇ શો આવ્યો નથી. અમે એ સમયની ભાષા અને બોલીનો પણ ઉપયોગ કર્યો છે. લાલાનું પાત્ર ભજવવા મારે સુંદર પાઘડી, લુંગી, ઝભ્ભો અને મોજડી પહેરવાના હતાં. લાંબો સમય આ પરિધાન પહેરી રાખવા પડતાં હતાં.

(9:55 am IST)
  • પ-૧૦-૧૦૦ની નોટ માર્ચ પછી :નહિ ચાલે એવા રીપોર્ટ સરકારે નકાર્યા : નવી દિલ્હી : આ વર્ષના માર્ચથી રીઝર્વ બેંક પ-૧૦-૧૦૦ રૂપિયાની નોટ ઉપર પ્રતિબંધ મૂકશે એવા વ્હેતા થયેલા અહેવાલોને સરકારે નકારી કાઢયા છે PIBએ આ પ્રકારના આવેલા અહેવાલોને ફેક ગણાવ્યા છે એવી ભારપૂર્વક સ્પષ્ટતા થઇ છે કે રીઝર્વ બેંકે આવી કોઇ જાહેરાત કરી નથી. (પ-૧પ) access_time 11:49 am IST

  • દિલ્હી એરપોર્ટ ઉપરથી કરોડોનું હેરોઈન ઝડપાયું: કરોડો રૂપિયાની કિંમતના ૯.૮ કિલો હેરોઇનના જથ્થા સાથે યુગાન્ડાના બે નાગરિકો દિલ્હી એરપોર્ટ થી ઝડપાઈ ગયા છે. access_time 4:44 pm IST

  • મહારાષ્ટ્રના ૨ ગુજરાતીઓનું પદ્મશ્રી એવોર્ડથી સન્માન: લિજ્જત પાપડના જશવંતીબેન પોપટ અને રજનીકાંત શ્રોફને પદ્મશ્રી એવોર્ડ જાહેર: લિજ્જત પાપડ શરૂ કરનાર સાત મહિલાઓ પૈકીના રઘુવંશી જશવંતીબેન જમનાદાસ પોપટ અને યુનાઈટેડ ફોસ્ફરસના રજનીકાંત દેવીદાસ શ્રોફને કેન્દ્ર સરકારે આજે પદ્મશ્રી એવોર્ડ અપાયાની જાહેરાત કરી છે access_time 1:03 am IST