Gujarati News

Gujarati News

News of Tuesday, 24th November 2020

ધાર્મિક લાગણી દુભવવા બદલ નેટફિલકસના અધિકારીઓ સામે કેસ

વેબસીરિઝ સ્યુટેબલ બોયમાં મંદિરમાં ફિલ્માયેલા કિસિંગ સીન સામે વિરોધ ઉઠયો

ભોપાલ, તા.૨૪:  ઓટીટી પ્લેટફોર્મ નેટફ્લિકસમાં રીલિઝ થયેલી સ્યૂટેબલ બોય વેબસીરિઝના બે અધિકારીઓ સામે કેસ દાખલ થયો છે. મધ્યપ્રદેશમાં ભારતીય જનતા યુવા મોર્ચાએ આ પ્લેટફોર્મ સામે ધાર્મિક લાગણી દુભાઈ હોવાની ફરિયાદ કરી હતી.

નેટફ્લિકસના અધિકારીઓ - મોનિકા શેરગીલ અને અંબિકા ખુરાના સામે રેવા પોલીસ સ્ટેશનમાં ફરિયાદ નોંધવામાં આવી હતી. વેબસીરિઝ સ્યુટેબલ બોયમાં મંદિરમાં ફિલ્માયેલા કિસિંગ સીન સામે વિરોધ ઉઠયો છે.

ભારતીય જનતા યુવા મોર્ચાએ નેટફ્લિકસના બે અધિકારીઓ સામે કેસ દાખલ કર્યો છે. મધ્યપ્રદેશ સરકારે આ અંગે તપાસના આદેશ આપ્યા છે. અરજીમાં દાવો કરાયો હતો કે વેબસીરિઝમાં હિન્દુ ધર્મની લાગણી દુભાય એવા પ્રયાસો થયા છે અને લવ-જેહાદને ઉત્તેજન મળે એવા પણ પ્રયાસો થયા છે. વેબસીરિઝ સામે આરોપ લાગ્યો છે કે અશ્લિલ દૃશ્યો દર્શાવતી વખતે ધૂન અને ભજનનો અવાજ આવે છે. આ ગતિવિધિ ચાલી તેના કારણે ટ્વિટરમાં પણ નેટફ્લિકસ અને સ્યુટેબલ બોયનો ટ્રેન્ડ બન્યો હતો.

મધ્યપ્રદેશ સરકારના ગૃહ મંત્રી નરોત્ત્।મ મિશ્રાએ કહ્યું હતું કે મંદિરમાં આવા સીન ફિલ્માવાયા છે તે યોગ્ય નથી. આ દિશામાં તપાસ થશે. સ્યુટેબલ ફિલ્મમાં કશું જ સ્યુટેબલ નથી. મંદિરમાં આપત્તિજનક દૃશ્યો ચલાવી શકાય નહીં. ગૃહ મંત્રીએ તાકીદની અસરથી અધિકારીઓની બેઠક પણ બોલાવી હતી.

(10:06 am IST)
  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • અમદાવાદમાં 45 નવા કન્ટેન્મેન્ટ ઝોન જાહેર : અમદાવાદ મ્યુનિસિપલ કોર્પોરેશને અમદાવાદ શહેરમાં 45 નવા માઇક્રો કન્ટેનમેન્ટ ઝોન જાહેર કર્યા. access_time 9:54 pm IST