Gujarati News

મુંબઇ, તા.૨૪: જયારે વાત હીલ્સની આવે તો બાય ડિફોલ્ટ લોકોના મનમાં ઉંચી એડીના સેન્ડલ્સ પહેરનાર યુવતીઓ અને મહિલાઓની ઈમેજ સામે આવે છે. જો તમે પણ હાઈ હીલ્સના સેન્ડલ્સ પહેરવામાં કમ્ફર્ટેબલ ન હોય તો તમારા માટે હાઈ હીલ્સના બૂટ્સ અને પ્લેટફોર્મ હીલવાળા સેન્ડલ્સ પણ માર્કેટમાં ઉપલબ્ધ છે. જોકે, કોઈ પુરુષ તમને ૫ ઈંચના પ્રોપર હીલવાળા શૂઝમાં જોવા મળે તો.. જીહાં, અમે મજાક નથી કરી રહ્યાં..

બોલિવૂડના ફેશનિસ્તા કહેવાતા પ્રોડ્યૂસર-ડિરેકટર કરણ જોહરે ૨ દિવસ પહેલા પોતાના ઈન્સ્ટાગ્રામ એકાઉન્ટ પર એક તસવીર શેર કરી હતી. જેમાં તે ૫ ઈંચના હાઈ હીલ્સ ધરાવતા બ્લેક કલરના શૂઝમાં જોવા મળે છે. બ્લેક કલરનું લૂઝ પેન્ટ, બ્લેક કલરનું બ્લેઝર અને બ્લેક કલરનું રાઉન્ડ નેક ટીશર્ટ પહેર્યું હતું. જેના પર ગોલ્ડન કલરના સ્ટ્રાઈપ્સ અને સ્ટિલ્ટ્સ બન્યાં હતાં.

આ આઉટફીટ સાથે કરણે પોતાના ટ્રેડમાર્ક ગ્લાસિસ પણ પહેર્યાં હતાં. જોકે, કરણના આ લુકમાં જે વસ્તુએ સૌથી વધુ લોકોનું ધ્યાન ખેંચ્યું તે હતા ફૂટવેર. કરણે બ્લેક કલરના શૂઝ પહેર્યાં હતાં. જેમાં ૫ ઈંચની હાઈ હીલ્સ હતી. ફેમશ અમેરિકન ડિઝાઈનર રિક ઓવન્સ દ્વારા ડિઝાઈન કરેલા આ લેરી મેન્સ કિસ હીલ્સ બૂટ્સ છે, જેની કિંમત ૧૪૧૩ ડોલર એટલે કે આશરે ૧ લાખ રુપિયાની આસપાસ છે.(૨૩.૪)