Gujarati News

થોડા સમય પહેલાં જ મુંબઈમાં નિક જોનસ અને પ્રિયંકા ચોપરાની રોકા સેરેમની યોજાઈ હતી. હવે બંને ક્યારે લગ્ન કરશે તે વિશે ચર્ચા થતી રહે છે. બંનેના લગ્ન થશે ત્યારે બધાને ખબર પડી જ જશે. પરંતુ એ પહેલા જાણી લો કે મિસિસ જોનસ બન્યા બાદ પ્રિયંકા નિક સાથે ક્યાં રહેશે.

લેટેસ્ટ રિપોર્ટ પ્રમાણે, નિકે પોતાના લેડી લવ માટે લોસ એન્જલસમાં એક આલિશાન ઘર ખરીદ્યું છે.

હજુ સુધી બંનેના લગ્નની તારીખ અને વેન્યૂ વિશે કોઈ ઓફિશિયલ જાહેરાત નથી કરવામાં આવી પરંતુ અહેવાલો છે કે બંને ડિસેમ્બરમાં સાત ફેરા ફરશે.

જો કે, રિપોર્ટ્સ પ્રમાણે, નિકે આ આલિશાન વિલા પ્રિયંકા ચોપરાને પ્રપોઝ કરતાં પહેલા જ ખરીદી હતી.

પ્રિયંકા-નિકના ઘરમાં એક મોટો સ્વિમિંગ પુલ પણ છે.

મળેલી માહિતી પ્રમાણે, બેવર્લી હિલ્સની પાસે આવેલા આ આલિશાન ઘરની કિંમત 6.5 મિલિયન ડોલર એટલે 47 કરોડ રૂપિયા છે.

ખૂબસુરત રીતે સજાવેલા આ ઘરમાં કુલ 5 બેડરૂમ છે.

ઘર જેટલું સુંદર બહારથી દેખાય છે તેટલું જ અંદરથી પણ છે. ઘરનું ઈન્ટિરિયર સુંદર છે.

પ્રિયંકા-નિકનું ‘હોમ સ્વીટ હોમ’ 4129 સ્ક્વેર ફૂટના વિસ્તારમાં ફેલાયેલું છે.

ઘરની બહારનો વ્યૂ પણ અદ્ભૂત છે. બારીની બહાર નજર કરીએ તો નાના-નાના પહાડ જોવા મળશે.

પ્રિયંકા હાલમાં જ આ ઘરની મુલાકાતે પહોંચી હતી અને તેણે પોતાની ઈન્સ્ટાગ્રામ સ્ટોરીમાં ઘરની તસવીરો શેર કરી.