Gujarati News

Gujarati News

News of Friday, 24th September 2021

ધ કપિલ શર્મા શો ફરી વિવાદમાં: નોંધાઈ એફઆરઆઇ

મુંબઈ: મધ્યપ્રદેશની શિવપુરી કોર્ટમાં ધ કપિલ શર્મા શોના નિર્માતાઓ વિરુદ્ધ એફઆઈઆર દાખલ કરવામાં આવી છે. આ મામલો શોના એક એપિસોડ સાથે સંબંધિત છે. આ એપિસોડમાં કલાકારો કોર્ટરૂમના દ્રશ્યમાં દારૂ પીતા બતાવવામાં આવ્યા હતા. નિર્માતાઓ પર કોર્ટનું અપમાન કરવાનો આરોપ લાગ્યો છે. ફરિયાદીએ કપિલ શર્માના શોને વાહિયાત ગણાવ્યો છે. એવું પણ કહેવામાં આવ્યું છે કે મહિલાઓ પર પણ અભદ્ર ટિપ્પણીઓ કરવામાં આવે છે. કપિલ શર્માનું નામ ફરી એકવાર વિવાદમાં આવ્યું છે. સોની ટીવી પર આવતા ધ કપિલ શર્મા શોના નિર્માતાઓ વિરુદ્ધ MP માં FIR દાખલ કરવામાં આવી છે. શિવપુરીના વકીલે CJM કોર્ટમાં ફરિયાદ દાખલ કરી છે. આ કેસની સુનાવણી 1 ઓક્ટોબરે થશે. ઈન્ડિયાટોડેના અહેવાલ મુજબ, વકીલ કહે છે કે સોની ટીવી પર આવતો ધ કપિલ શર્મા શો અણઘડ છે. તેઓ મહિલાઓ પર અભદ્ર ટિપ્પણીઓ પણ કરે છે. એક એપિસોડમાં કોર્ટ સેટઅપ સ્ટેજ પર મૂકવામાં આવ્યું હતું. આમાં કલાકાર બધાની સામે દારૂ પીતો જોવા મળ્યો હતો. આ કોર્ટની અવમાનના છે. આ અભદ્રતા બંધ થવી જોઈએ.

(4:59 pm IST)