Gujarati News

અભિનેત્રી સુરભિ ચંદના ટીવી પરદાનો ખુબ જાણીતો ચહેરો બની ગઇ છે. તેણે જાણીતા શો ઇશ્કબાજમાં અનિકાની ભૂમિકા નિભાવી ઘર-ઘરમાં ઓળખ ઉભી કરી લીધી છે. સુરભિ સોશિયલ મિડીયા પર પણ ખુબ સક્રિય રહે છે. ઇંસ્ટાગ્રામ પર અવાર-નવાર તે ખુબસુરત તસ્વીરો પોસ્ટ કરતી રહે છે. આવી તસ્વીરોમાં તે ખુબ જ હોટ અને સેકસી દેખાતી હોય છે. મુંબઇમાં ૧૯૮૯માં જન્મેલી સુરભીએ કોલેજના સમયમાં જ મોડેલિંગ શરૂ કરી દીધું હતું. એ પછી તેણે અનેક વિજ્ઞાપનો કર્યા હતાં. ત્યારબાદ ટીવી પરદે કદમ માંડ્યા હતાં. ઝી ટીવીના શો 'કુબૂલ હૈ' તેની પહેલી સિરીયલ હતી. આ શોમાં તે હયા નામની યુવતિના રોલમાં હતી. આ એવી યુવતિ હતી જે બોલી કે સાંભળી શકતી નહોતી. જો કે તેને સફળતા સ્ટાર પ્લસના શો ઇશ્કબાજથી મળી છે. આ શોમાં તેની સાથે નકુલ મહેતા છે. શો આ વર્ષના અંતમાં પુરો થઇ જશે.