Gujarati News

મુંબઈ : અભિનેત્રી-નિર્દેશક શેફાલી શાહના નિર્દેશનમાં બનેલી ટૂંકી ફિલ્મ 'હેપ્પી બર્થડે મમ્મીજી' રિલીઝ થઈ છે. શેફાલી આ શોર્ટ ફિલ્મથી દિગ્દર્શક બની ગઈ છે, આ ક્રાફ્ટ વિશે સંપૂર્ણ રીતે ભાવુક છે, જેને તે પ્રેમ કરે છે. આજે તેમના નિર્દેશનમાં બની આ ફિલ્મ દરેકને જોવા માટે ઉપલબ્ધ રહેશે. જ્યારે શેફાલી દ્વારા દિગ્દર્શિત સમડેને ફિલ્મ મહોત્સવમાં પ્રદર્શિત કરવામાં આવી રહી છે.

શેફાલીના આ સ્વપ્નમાં, તેમના પતિ અને પ્રખ્યાત નિર્દેશક / નિર્માતા, વિપુલ શાહ ન ખાલી તેમના નિર્ણયમાં તેમની પાછળ ઉભા રહ્યા છે, પરંતુ તેમની પત્ની શેફાલીના વખાણના થોડાક શબ્દો પણ કહ્યા છે. વિપુલ કહે છે, "તેની પત્ની અને બહેતરીન અભિનેત્રી શેફાલીની બીજી નિર્દેશનત ફિલ્મ, હેપ્પી બર્થડે મમ્મીજી શેર કરવા માટે ખૂબ ગર્વ મહેસૂસ કરી રહ્યો છું. તેમણે વર્ષોથી એક અભિનેતા અને માનવી તરીકે આશ્ચર્યજનક કાર્ય કર્યું છે. દિગ્દર્શક તરીકે, જ્યારે મેં આ ફિલ્મ જોઈ, ત્યારે હું તેની પ્રતિભાથી એકદમ સ્તબ્ધ થઈ ગયો હતો. તેમણે જે પ્રાપ્ત કર્યું છે તેનો મને ખૂબ જ ગર્વ છે. "

વિપુલ તે પડકારોથી વાકેફ હતા જેનાથી શેફાલીને ગુજરવું પડ્યું કારણકે તેમણે લોકડાઉન અને મોનસૂન દરમિયાન પોતે ફિલ્મનું શૂટિંગ કર્યું છે. "હું જાણું છું કે તેમણે ઘણી બધી બાબતોમાંથી પસાર થવું પડ્યું હતું. જ્યારે એક દિવસ વરસાદના કારણે તેમણે ઘણા કલાકો ગુમાવ્યા, જેનાથી તેમનું શેડ્યૂલ પાછળ થઈ ગયું, પરંતુ ઘણી બધી અડચણો હોવા છતાં, તે પરફેક્શન પ્રાપ્ત કરવામાં સક્ષમ થઈ, ખરેખર પ્રશંસાપાત્ર! આ એક પૂર્ણ સન્માન છે અને મને આ ફિલ્મનો ભાગ બનવા માટે ખૂબ ગર્વ છે. તેમણે બધું જ જાતે કર્યું છે. '