Gujarati News

Gujarati News

News of Friday, 24th May 2019

મને નાનપણથી શ્રદ્ધા કપૂર માટે ક્રશ છે: ટાઇગર શ્રોફ

મુંબઇ:  એ લિસ્ટના કલાકારોમાં ગણાતા થઇ ગયેલા હોનહાર અભિનેતા ટાઇગર શ્રોફે એવો એકરાર કર્યો હતો કે મને મોખરાની અભિનેત્રી શ્રદ્ધા કપૂર માટે ક્રશ હતો.'યસ, અમે બાળપણથી સાથે ઊછર્યાં છીએ. એકમેકની નિકટ પણ હતાં. મને પહેલેથી એને માટે ક્રશ હતો પરંતુ મોઢામોઢ કહેવાની હિંમત મારામાં નહોતી' એમ ટાઇગરે કહ્યું હતું.હવે બંને જણ બાગી થ્રી ફિલ્મ સાથે કરવાનાં છે. બંને કલાકારોએ આ ફિલ્મના એક્શન શોટ્સની તાલીમ શરૃ કરી દીધી હતી. ટાઇગરે કહ્યું કે શ્રદ્ધા સાથે ફિલ્મ કરવાની છે એ વાતે હું સારો એવો ઉત્તેજિત છું. આ ફિલ્મમાં શ્રદ્ધા પણ કેટલાક જોરદાર એક્શન શોટ્સ આપવાની છે એટલે અમે બંનેએ એક્સપર્ટ એક્શન ડાયરેક્ટરના હાથ નીચે તાલીમ શરૃ કરી દીધી હતી.બાગી સિરિઝની પહેલી બંને ફિલ્મોમાં હીરો ટાઇગર શ્રોફ હતો. હીરોઇન તરીકે ટાઇગરની હાલની ગર્લફ્રેન્ડ મનાતી દિશા પટની હતી. બાગી અને બાગી ટુ બંને હિટ નીવડતાં કરણ જોહરે ટાઇગરને પોતાની સ્ટુડન્ટ ઑફ ધી યર ટુમાં હીરો તરીકે લીધો હતો. જો કે આ ફિલ્મે ધાર્યો બિઝનેસ કર્યો નહીં.હાલ શ્રદ્ધા વરુણ ધવન સાથે સ્ટ્રીટ ડાન્સર ફિલ્મ કરી રહી છે તો ટાઇગર રિતિક રોશન સાથે એક્શન ફિલ્મ કરવાનો છે. આ બંને કલાકારો પોતપોતાના હાલના પ્રોજેક્ટ્સમાંથી ફ્રી થાય ત્યારબાદ બાગી થ્રી ફ્લોર પર જશે.

(6:25 pm IST)
  • અમદાવાદના દાણીલીમડાના બેરલ માર્કેટ પાસે ગરમ ઓઇલ પડતાં કામદારનું હોસ્પિટલમાં સારવાર દરમિયાન મોત : પોલીસે સમગ્ર મામલે તપાસ હાથ ધરી access_time 2:11 pm IST

  • અમદાવાદના કલોલ રેલ્વે સ્ટેશન પરથી 5 દિવસની નવજાત બાળકી મળી : નવજાત બાળકીને મુકીને માતા-પિતા ફરાર access_time 2:22 pm IST

  • દિલ્હીમાં સૂપડાસાફ થતા આપના સંયોજકપદેથી અરવિંદ રાજીનામુ આપ્યાના અહેવાલ :દિલ્લીમાં પણ ભાજપે કોંગ્રેસના સૂપડા સાફ કર્યા:આમ આદમી પાર્ટીનો પણ સજ્જડ પરાજય : હારના પગલે દિલ્લીના સીએમ અરવિંદ કેજરીવાલે પાર્ટીના રાષ્ટ્રીય સંયોજક પદેથી રાજીનામુ આપ્યુ હોવાના અહેવાલ access_time 2:16 pm IST